எஞ்சின் கோளாறால் ஏர் இந்தியா விமானம் அமெரிக்காவில் அவசரத் தரையிறக்கம்

நியூஜெர்சி : எஞ்சின் கோளாறு காரணமாக, ஏர் இந்தியா விமானம் அமெரிக்காவில் அவசரமாகத் தரையிறக்கப்பட்டது. அமெரிக்காவின் நியூஜெர்சியில் இருந்து 250 பயணிகளுடன் தில்லி நோக்கிக் கிளம்பிய ஏர் இந்தியா விமானம், புறப்பட்ட 2 மணி நேரத்தில் நிவார்க் பகுதியில் அவசரமாகத் தரையிறக்கப்பட்டது. விமான எஞ்சினில் கோளாறு ஏற்பட்டதால், விமானி உடனே விமானத்தைத் தரையிறக்கியுள்ளார். இதனால் பெரும் விபத்து தவிர்க்கப்பட்டுள்ளது. பயணிகள் பத்திரமாக உள்ளனர்.