கர்நாடக மாநிலத்தில் உள்ள ஒரு ஜவுளிக்கடையில் ரூ.20க்கு புடவை விற்கப்படுவதால் பெண்கள் கூட்டம் அந்த கடையை நோக்கி அலைமோதுகிறது.
ரூ.500, ரூ.1000 நோட்டுக்கள் செல்லாது என்ற மத்திய அரசின் அறிவிப்பை ஊக்குவிக்கும் விதமாக ரூ.20க்கு தினமும் 500 புடவைகளை விற்பனை செய்வதாக கர்நாடக மாநிலத்தில் பிதார் என்ற பகுதியில் இயங்கி வரும் சிருஷ்டி திருஷ்டி சாய் சென்டர் என்ற ஜவுளிக்கடையின் உரிமையாளர் தெரிவித்துள்ளார்.
முதலில் ரூ.1க்கும், பின்னர் ரூ.15க்கும் புடவைகள் விற்பனை செய்வதாகவும், தற்போது ரூ.20க்கு தினமும் 500 புடவைகள் விற்பதாகவும், முதலில் வரும் 500 பெண்களுக்கு இந்த புடவைகள் வழங்கப்படும் என்றும் அவர் மேலும் தெரிவித்தார். தினமும் 12 மணி முதல் 2 மணி வரை ரூ.20க்கு இந்த கடையில் புடவைகள் வழங்கப்படுகிறது. இதனால் இந்த இரண்டு மணி நேரமும் இந்த கடையில் பெண்கள் கூட்டம் பெருமளவு காணப்படுகிறது.
