கேஜ்ரிவால் 10 நாள் விடுப்பு; முதல்வர் பொறுப்பில் மணீஷ் சிசோடியா

புதுதில்லி: ஆம் ஆத்மியின் ஒருங்கிணைப்பாளரும், தில்லி முதல்வருமான அரவிந்த் கேஜ்ரிவால் உடல் நலக் குறைவால் அவதிப் படுகிறார். அவருக்கு தீராத இருமல் தொல்லை ஏற்பட்டுள்ளது. இதற்காக சிகிச்சை பெற அவர் 10 நாள் விடுமுறையில் செல்கிறார். அவர் இல்லாத நாட்களில், துணை முதல்வராக உள்ள மணீஷ் சிசோடியா, முதல்வர் பொறுப்பை கவனிப்பார் என்று அறிவிக்கப்பட்டுள்ளது. வரும் 5ம் தேதி முதல் கேஜ்ரிவால், இயற்கை முறை சிகிச்சை பெற பெங்களூர் செல்ல உள்ளார்.