ஜம்மு காஷ்மீர் மாநிலத்தில் வெள்ள நிலை பாதிப்பில் இருந்து சற்று முன்னேற்றம் ஏற்பட்டுள்ளது என்று தேசிய பேரிடர் மீட்புக் குழுவின் தலைமை இயக்குனர் ஓ.பி. சிங் தெரிவித்துள்ளார். அந்தப் பகுதிகளுக்கு மேலும் 6 குழு விரைந்துள்ளதாகவும், தேவையான படகுகள், மீட்புக் கருவிகளுடன் அவர்கள் தங்கள் மீட்புப் பணிகளை மேற்கொண்டு வருவதாகவும் அவர் கூறியுள்ளார். கடந்த 24 மணி நேரத்தில் மழை பெரிதாக இல்லாததால், வெள்ள நீர் வடிந்து வருவதாகவும், இதை கடந்த வருட வெள்ளக் கால சீரழிவுக்கு ஒப்பிட முடியாது என்றும் அவர் கூறியுள்ளார்.
