திருமலை திருப்பதி தேவஸ்தானம் – டிடிடி என்பது பாரதீயர்களுக்கு மிக முக்கியமான கோயில்! இங்கே தெய்வம் திருப்பதி வேங்கடேசப் பெருமாள், ஏழு மலைகளில் (எசுமலை) கம்பீரமாக அலங்காரமாக அலங்கரிக்கிறார்! கலியுகத்தின் ஆளும் தெய்வமாக கோடிக் கணக்கான பக்தர்களால் நம்பப்படுகிறது!
இங்கே அவரது அனைத்து பக்தர்களின் பிரார்த்தனைகளும் நிறைவேறுகிறது. எனவேதான் தினந்தோறும் திருப்பதி ஏழுமலையான் திருக்கோவிலுக்கு ஒவ்வொரு நாளும் லட்சக்கணக்கான பக்தர்கள் வருகின்றார்கள்!
தினமும் லட்சக் கணக்கானவர்கள் கோயிலுக்கு வருகின்றார்கள்! அவர்கள் உண்டியலில் போடும் காணிக்கையே பல கோடியை எட்டி விடுகிறது. லட்டு பிரசாதமே பல கோடிக்கு வியாபாரமாக நடக்கிறது. தவறாமல் நன்கொடை அளிக்கும் ஆபரணங்கள் / விலைமதிப்பற்ற கற்கள் இவற்றைப் பற்றி வேறு பேச்சே வேண்டாம்.
திருமலை திருப்பதி தேவஸ்தானம் ஆந்திர அரசின் கட்டுப்பாட்டில் உள்ளது. கோயிலின் வருமானம் தொடர்ந்து மாநிலத்தின் பல நலத்திட்டங்களுக்கு அனுப்பப்படுகிறது. ஊழியர்கள் மதச்சார்பற்ற என்று கூறிக் கொள்ளும் அரசால் நியமிக்கப்படுகிறார்கள்! ஹிந்துக்கள் அல்லாதவர்களும் ஊழியர்களாக நியமிக்கப்பட்டனர்! இது 2019 ஆம் ஆண்டில் சமூக ஊடகங்களில் மிகப் பெரும் எதிர்ப்பை உருவாக்கியது! இதையடுத்து TTD இன் ஹிந்து அல்லாத ஊழியர்கள் இடமாற்றம் செய்யப்பட்டனர்.
தமிழகத்தில் அறநிலையத்துறை என்ற அரசு சார் துறையில் உள்ள கோயில்களைப் போலவே, திருமலை திருப்பதி தேவஸ்தானமும் தனது செல்வத்தை வழக்கமாக ஆளும் அரசுகளே கொள்ளையடிப்பதற்கு வசதியாக தன்னை உருமாற்றிக்கொண்டுள்ளது! காரணம், இது அரசாங்கத்தால் கட்டுப்படுத்தப்படுகிறது, மேலும் அரசு ஊழியர்கள் அல்லது மாநிலத்தை ஆளத் தேர்ந்தெடுக்கப்பட்ட அரசியல்வாதிகளின் பலம் வாய்ந்த ஆளும் கைகளுக்குள் அகப்பட்டு கொண்டுவிடுகிறது
பிப்ரவரி 2020 இல் ஊடகங்களில் ஒரு செய்தி வெளிவந்து பெரும் பரபரப்பை ஏற்படுத்தியது ஆந்திர மாநிலம் புத்தூரில் உள்ள செயின்ட் பால் லூத்தரன் சர்ச்சில் ஸ்ரீ வெங்கடேஸ்வரா கோயில்களின் ஏஇஓ., ஏ.ராஜசேகர் ராவ் பிரார்த்தனை செய்வதை ஊடகங்கள் வெளிச்சம் போட்டுக் காட்டின …
திருமலை-திருப்பதி ஆலயத்துக்குள் உண்டியல் பணத்தை எண்ணும் பொறுப்பில் ‘பரகமணி’ யில் அவரது பணி இருந்தது. ஆனால் அவர் ஹிந்து என்றும் அவரது மனைவி கிறிஸ்துவராக மதம் மாற்றப்பட்டனர் என்றும் தெரிவிக்கப்பட்டது. இதை அவரே கூறவும் செய்துள்ளார். மேலும், தாம் புத்தூர் சர்ச்சில் பிரார்த்தனை செய்வதாக வெளியான தகவலை அவர் மறுத்தார். எனினும், அவர் மதம்மாற்றப்பட்ட தமது மனைவியுடன் கோயிலின் வளாகத்திற்குள் நுழைந்தார்.
இந்த அதிகாரியின் மீதான குற்றச்சாட்டுகளுக்கு எதிராக திருமலை-திருப்பதி தேவஸ்தானம் விசாரணைக்கு உத்தரவிட்டது. Roc No. DA1/9968/2019 dtd. 20/4/2020,
விசாரணை முடிவடைந்து, அவர் மீதான குற்றச்சாட்டுகள் நிரூபிக்கப்பட்டுள்ளன. பின்வரும் கருத்துக்களுடன்….
1989 ஆம் ஆண்டின் GO 1060 சொல்வது என்னவென்றால்…. “கல்வி கற்பிக்கும் நிறுவனங்களைத் தவிர, எந்தவொரு வகைகளுக்கும் இந்து மதத்தை வெளிப்படுத்தும் நபர்களிடமிருந்து மட்டுமே நியமனம் செய்யப்படும்.
அதன்பிறகு, 2007 ஆம் ஆண்டில் GO 1372 இல் விதி திருத்தப்பட்டது, TTD ஆல் நிர்வகிக்கப்படும் அல்லது நிதியளிக்கப்பட்ட எந்தவொரு நிறுவனத்திலும் எந்தவொரு வகையிலும் எந்தவொரு பதவிகளுக்கும் இந்து மதத்தை வெளிப்படுத்தும் நபர்கள் மட்டுமே நியம்மிக்கப் படுவர்” என்பது.
