காமன்வெல்த் போட்டிகளில் பதக்கம் வென்ற இந்திய வீரர்களுக்கு பிரதமர் மோடி வாழ்த்து தெரிவித்துள்ளார்.
ஆஸ்திரேலியாவின் கோல்டு கோஸ்ட் நகரில் கடந்த 11 நாட்களாக நடைபெற்று வந்த காமன்வெல்த் விளையாட்டுப் போட்டிகள் இன்றுடன் நிறைவு பெற்றன. இறுதி நாளான இன்று இந்தியா பதக்கப் பட்டியலில் மேலும் சில பதக்கங்களைச் சேர்த்தது.
பாட்மின்டனில் சாய்னா நேவல் தங்கம் வென்றார். சிந்து வெள்ளி வென்றார். கிடம்பி ஸ்ரீகாந்த் வெள்ளி வென்றார்.
இதை அடுத்து, இந்தியா 26 தங்கம், 20 வெள்ளி மற்றும் 20 வெண்கலம் என 66 பதக்கங்களுடன் பட்டியலில் 3வது இடத்தைப் பிடித்தது.
இந்நிலையில், பதக்கம் வென்ற வீரர்களுக்கு பிரதமர் நரேந்திர மோடி, டுவிட்டர் பதிவில் வாழ்த்துகளைத் தெரிவித்துள்ளார்.
India’s contingent at the 2018 Commonwealth Games has made every Indian extremely proud. All our sportspersons gave their best and played very well. I congratulate all those athletes who are bringing back medals. #GC2018
— Narendra Modi (@narendramodi) April 15, 2018
Every athlete who represented India at #GC2018 inspires us. Their life stories illustrate the power of dedication and a never-say-die attitude that made them overcome countless hurdles to attain the heights of success they did at the CWG.
— Narendra Modi (@narendramodi) April 15, 2018
காமன்வெல்த் போட்டியில் இந்திய வீரர்கள் ஒவ்வொருவரின் வெற்றியும், அனைத்து இந்தியர்களையும் பெருமைப்பட வைத்துள்ளது. நமது விளையாட்டு வீரர்கள் தங்களது முழுத் திறனையும் வெளிப்படுத்தி சிறப்பாக விளையாடினர். பதக்கம் வென்ற வீரர்கள் அனைவருக்கும் நான் வாழ்த்துகளைத் தெரிவித்துக் கொள்கிறேன் என்று கூறியிருந்தார்.
I hope India’s success at #GC2018 motivates more youngsters to pursue sports and creates larger awareness on the importance of fitness in everyone’s lives.
On our part, we in the Government are doing everything possible to strengthen the #FitIndia movement.
— Narendra Modi (@narendramodi) April 15, 2018
மேலும், காமன்வெல்த்தில் இந்திய வீரர்களுக்கு கிடைத்த வெற்றியானது, விளையாட்டுத் துறையில் இளைஞர்கள் பலரை ஊக்குவிப்பதுடன், ஒவ்வொருவரின் வாழ்க்கையிலும், உடல் பராமரிப்பு முக்கியம் என்பது குறித்து விழிப்புணர்வை ஏற்படுத்தும் என்று கூறியுள்ளார்.
