இன்று விஜய் நடித்த பிகிலு படம் வெளியானது. படம் வெளியான 3 மணி நேரத்தில், தமிழ் ராக்கர்ஸ் இணையதளத்தில் படம் வெளியாகி திரையுலகினரை அதிர்ச்சி அடைய வைத்துள்ளது.
தமிழ் ராக்கர்ஸ் இணையதளம், கடந்த சில வருடங்களாகவே திரையுலகினரை ஆட்டிப் படைத்து வருகிறது. எந்தப் புதுப்படம் வந்தாலும் அது அப்படியே இணையதளத்தில் கசிந்துவிடும்.
குறிப்பாக ‘நட்சத்திர’ அந்தஸ்து கொண்ட நட்சத்திரங்கள் நடித்து மிகப்பெரும் பொருட்செலவில், மிகப் பெரும் எதிர்பார்ப்பில் ரிலீசாகும்போது… அடுத்தநாளே அது இணையதளத்தில் வெளியிடப் பட்டு, திரையுலகினரை அதிர்ச்சி அடைய வைத்து விடும்.
தற்போது, எப்படியாவது படம் ஓடிவிடாதா என்ற மெனக்கெடலில், பல்வேறு சர்ச்சைகளை ஏற்படுத்தி, விளம்பரப்படுத்தி வெளியான பிகிலு படமும் இந்தப் பட்டியலில் சேர்ந்துவிட்டது.
இன்று வெளியான விஜய்யின் பிகில் திரைப்படம், திரையரங்குகளில் வெளியான 3 மணி நேரத்தில் எச்டி பிரிண்ட்டில் தமிழ் ராக்கர்கஸ் இணையதளத்தில் வெளியானது. இது, படக்குழுவினருக்கு பெரும் அதிர்ச்சியைக் கொடுத்துள்ளது.
இந்தப் படம் குறித்த மாறுபட்ட விமர்சனங்கள் இன்று காலையே வெளியான நிலையில், தமிழ் ராக்கர்ஸ் இணையதளத்தில் வெளியான பிகில் பட லிங்க்கினை, வாட்ஸ் அப் குழுக்களில் பலர் பகிர்ந்தனர்.
தாங்கள் பெரும் இன்பத்தைப் பிறரும் பெற வேண்டும் என்று நினைத்த தமிழர்கள் இருந்தது அந்தக் காலம். தாங்கள் படும் துன்பத்தை பிறரும் பெற வேண்டும் என்று நினைத்து பகிர்வதே இந்தக் காலம்… என்று அதற்கும் கமெண்ட் போட்டு வாட்ஸ் அப் குழுவில் இருப்பவர்களுக்கே பலர் அதிர்ச்சியை ஏற்படுத்தி வருகின்றனர்.
