உலகக் கோப்பை: இலங்கை 363 ரன் குவிப்பு

உலகக் கோப்பை கிரிக்கெட் போட்டிகளில் இன்று நடைபெறும் பி பிரிவு 35 ஆவது லீக் சுற்றுப் போட்டியில், இலங்கை ஸ்காட்லாந்து அணிகள் மோதுகின்றன. இதில் டாஸ் வென்ற இலங்கை அணி, முதலில் பேட் செய்யக் களம் இறங்குவதாக அறிவித்தது. அதன் படி களம் இறங்கிய இலங்கை வீரர்கள், சிறப்பான துவக்கம் அளித்து ரன் சேர்த்தனர். திரிமனே 4 ரன்னில் ஆட்டம் இழந்தபோதும், சங்ககரா, தில்ஷன் இருவரும் அடுத்தடுத்த பந்துகளில் சதம் அடித்து அசத்தினர். சங்ககரா 124 ரன் எடுத்தார். தில்ஷன் 104 ரன் எடுத்தார். பின்னர் நடுவரிசையில் மேத்திவ்ஸ் 21 பந்துகளில் 51 ரன் என அதிரடி காட்டினார். இதனால் இலங்கை அணி 50 ஓவர் முடிவில் 9 விக்கெட்களை இழந்து 363 ரன் என்ற பெரும் இலக்கை ஸ்காட்லாந்து அணிக்கு நிர்ணயித்தது.