ஆஸ்திரேலியாவின் கான்பெர்ராவில் இன்று நடைபெற்ற உலகக் கோப்பை லீக் சுற்று ஆட்டத்தில், வங்கதேச அணி, ஆப்கானிஸ்தான் அணியை 105 ரன்னில் வீழ்த்தியது. முதலில் ஆடிய வங்கதேச அணி நிர்ணயிக்கப்பட்ட 50 ஓவரில் 267 ரன்கள் எடுத்தது. அந்த அணியில் அதிகபட்சமாக முஷ்பிகுர் ரகுமான் 71 ரன்னும், ஷகிப் அல் ஹசன் 63 ரன்னும் எடுத்தனர். அந்த அணி 50ஓவர் முடிவில் அனைத்து விக்கெட்களையும் இழந்து 267 ரன் எடுத்தது. தொடர்ந்து 268 ரன் என்ற இலக்கை நோக்கித் துரத்திய ஆப்கன் அணி, இரட்டை இலக்கத்தைத் தாண்டுவதற்குள் துவக்கத்திலேயே 3 விக்கெட்களை இழந்தது. இதனால் அணியின் ரன் எடுக்கும் வேகம் மட்டுப் பட்டது. இருப்பினும் நடு வரிசையில் சமியுல்லா 42 ரன்னும், நபி 44 ரன்னும் எடுத்தனர். இறுதியில் அந்த அணி 42.5 ஓவரில் அனைத்து விக்கெட்களையும் இழந்து 162 ரன் எடுத்து தோல்வி அடைந்தது.
உலகக் கோப்பை கிரிக்கெட்: ஆப்கன் அணியை 105 ரன்னில் வீழ்த்தியது வங்கதேசம்
