உலகக் கோப்பை கிரிக்கெட்: ஆப்கன் அணிக்கு 211 ரன் இலக்கு

உலகக் கோப்பை கிரிக்கெட் போட்டிகளில் இன்றைய ஏ பிரிவு 17 வது லீக் போட்டியில், ஸ்காட்லாந்து அணியும் ஆப்கனிஸ்தான் அணியும் மோதுகின்றன. இதில், முதலில் பேட் செய்த ஸ்காட்லாந்து அணி 210 ரன் எடுத்து, ஆப்கனுக்கு 211 ரன் வெற்றி இலக்காக நிர்ணயித்தது. முன்னதாக ஆப்கன் அணி டாஸ் வென்று பந்து வீசத் தீர்மானித்தது. அதன்படி களம் இறங்கிய ஸ்காட்லாந்து அணியில், துவக்க வீரர் மெக்லெட் ரன் ஏதும் எடுக்காமல் ஆட்டம் இழந்தார். அடுத்து வந்த கார்டினரும் 5 ரன் எடுத்து ஆட்டம் இழந்தார். மற்றொரு துவக்க வீரர் கோட்சர் 25 ரன்னும் மகென் 31, மொம்சென் 23, பெரிங்டன் 25, ஹக் 31, எவன்ஸ் 28 ரன் எடுத்து ஆட்டம் இழந்தனர். அந்த அணி 50 ஓவர் முடிவில் அனைத்து விக்கெட்களையும் இழந்து 210 ரன் எடுத்தது. இதை அடுத்து களம் இறங்கிய ஆப்கன் அணி, அதிரடியாக ஆட்டத்தைத் துவக்கியது. அந்த அணி 7ஓவர்களில் விக்கெட் இழப்பின்றி 42 ரன் எடுத்து தொடர்ந்து ஆடி வருகிறது.