அன்புமணிக்கு அடங்காதவன்; சுகாதாரத் துறைக்கு சுருண்டவன்! #தொடைநடுங்கிசர்கார்!

அன்புமணி ராமதாஸ் நெருக்குதல் கொடுத்தும், பலர் வலியுறுத்தியும் பணிந்து போகாத சர்க்கார் விஜய், சுகாதாரத் துறையின் கட்டளைக்கு சுருண்டு, சுருட்டு பிடிப்பதை நீக்கிக் கொண்டார்!

விஜய் – ஏ.ஆர்.முருகதாஸ் கூட்டணி, மூன்றாவது முறையாக இணைந்து தயாராகி வரும் படம் சர்கார். விஜய் ஜோடியாக கீர்த்தி சுரேஷ் நடிக்கும் இந்தப் படத்தின் பர்ஸ்ட் லுக் போஸ்டர் விஜய் பிறந்தநாளில் வெளியிடப்பட்டது.

இதில், விஜய் புகை பிடித்தபடி காட்சி இருந்தது. இது, பெரும் விமர்சனங்களைக் கிளப்பி விட்டது. புகை பிடிக்கும் காட்சியில் நடிக்க மாட்டேன் என்று கூறிய விஜய், இப்போது அதை மீறி விட்டார் என்றும், தனது பேச்சுக்கு தானே துரோகம் செய்துவிட்டார் என்றும் பா.ம.க., அன்புமணி கூறினார். தொடர்ந்து பாமக., நிறுவுனர் ராமதாஸ் உள்ளிட்டோர் எதிர்ப்பு தெரிவித்தனர்.

இந்நிலையில் சர்கார் பட போஸ்டரில் விஜய் புகை பிடிக்கும் காட்சிகளை உடனடியாக நீக்க வேண்டும் என்று பொது சுகாதாரத்துறை, நடிகர் விஜய் மற்றும் இயக்குநர் முருகதாஸ்ம் சன் பிக்சர்ஸ் ஆகியோருக்கு நோட்டீஸ் அனுப்பியது. #தொடைநடுங்கிசர்கார்

நீக்காவிட்டால் அவர்கள் மீது சட்ட பூர்வ நடிவடிக்கை எடுக்கப்படும் என எச்சரித்தது. மேலும் புகைப் பழக்கத்தை ஒழிக்க அரசு மேற்கொள்ளும் முயற்சிகளுக்கு சினிமா துறையினர் ஒத்துழைப்பு அளிக்க வேண்டும் என கேட்டுக் கொண்டது.  #தொடைநடுங்கிசர்கார்

அன்புமணிக்கு அடங்காத படக்குழு, சுகாதாரத் துறை நோட்டீஸுக்கு அடிபணிந்தது. இப்படத்தை தயாரிக்கும் சன் பிக்சர்ஸ் நிறுவனத்தின் அதிகாரப்பூர்வ டுவிட்டர் பக்கத்தில் விஜய் புகைப்பிடித்த சர்கார் பர்ஸ்ட் லுக் போஸ்டர் நீக்கப்பட்டுள்ளது. தொடர்ந்து விஜய்யும் தனது டிவிட்டர் பக்கத்தில் படத்தை மாற்றி விட்டுள்ளார். இதை அடுத்து #தொடைநடுங்கிசர்கார் என்ற டிவிட்டர் ஹேஷ் டேக் ட்ரெண்ட் ஆகி, டிவிட்டர் வாசிகளிடையே பாப்புலராகி வருகிறது.