மழை குறித்து சென்னை வானிலை ஆய்வு மையத்தின் இயக்குநர் ரமணன் செய்தியாளர்களிடம்கூறியுள்ளதாவது :-.
தமிழகத்தில் வடகிழக்கு பருவமழை தீவிரமடைந்துள்ள நிலையில், தமிழகத்தின் பல்வேறு பகுதிகளில் தொடர்ந்து மழை பெய்து வருகிறது.
லட்சத்தீவு அருகே உருவாயிருந்த காற்றழுத்த தாழ்வுப் பகுதி அதே இடத்தில் நீடிப்பதால் தமிழகம், புதுச்சேரியில் மழை நீடிக்கும்.
காற்றழுத்த தாழ்வுப் பகுதி காரணமாக கோவை, நீலகரி, தேனி உள்ளிட்ட மலைப்பகுதிகளில் கன மழையும், கடலோர மாவட்டங்கள், புதுச்சேரியில் அநேக இடங்களில் மழை பெய்யும். சென்னையைப் பொருத்தவரை வானம் மேகமூட்டத்துடன் காணப்படும். சில இடங்களில் மழையோ அல்லது இடியுடன் கூடிய மழையோ பெய்யக்கூடும் என்று செய்தியாளர்களிடம் ரமணன் தெரிவித்துள்ளார்.
