கோடை விடுமுறை கூட்ட நெரிசலை சமாளிக்க திருநெல்வேலி – சென்னை எழும்பூர் இடையே சிறப்பு ரயில்கள் இயக்கப்படுவதாக தெற்கு ரயில்வே அறிவித்துள்ளது. இது குறித்து வெளியிட்ட செய்திக் குறிப்பு: ரயில் எண் 06002: ஏப்ரல் 9, மே 7 ஆகிய தேதிகளில் திருநெல்வேலியில் இருந்து இரவு 9.15 மணிக்கு புறப்பட்டு மறுநாள் காலை 9 மணிக்கு சென்னை எழும்பூர் வந்தடையும். ரயில் எண் 06003: ஏப்ரல் 10, மே 8 ஆகிய தேதிகளில் சென்னை எழும்பூரில் இருந்து இரவு 8.05 மணிக்கு புறப்பட்டு மறுநாள் காலை 9.45 மணிக்கு திருநெல்வேலி சென்றடையும். இந்த ரயில் வாஞ்சி மணியாச்சி, கோவில்பட்டி, சாத்தூர், விருதுநகர், மதுரை, கொடைக்கானல் சாலை, திண்டுக்கல், திருச்சி, விருதாசலம், விழுப்புரம், செங்கல்பட்டு, தாம்பரம், மாம்பலம் ரயில் நிலையங்களில் நின்றுச் செல்லும். இந்த ரயில்களுக்கான முன்பதிவு புதன்கிழமை தொடங்குகிறது.
