என்னம்மா! நீங்க! இப்படி! பண்ணுறீங்களேமா?? !!
தமிழகத்தில் ஆட்சி நடத்தும் அதிமுகவின் பொதுச் செயலாளரும், தமிழக முதலமைச்சருமான ஜெயலலிதா கடந்த தமிழக சட்டமன்றத் தேர்தலின்போது பல்வேறு இலவசத் திட்டங்களை அறிவித்து ஆட்சியைப் பிடித்து ஆட்சி நடத்தி வருகிறார்.
கடந்த ஐம்பது ஆண்டுகளாக மாறி, மாறி திராவிடக் கட்சிகள் இலவசத் திட்டங்களை அறிவித்து பெரும்பாலான பொது மக்களை முட்டாள்களாக ஆக்கி ஆட்சியைப் பிடித்து அதிகாரக் கட்டிலில் அமர்ந்துள்ளனர்.
அத்துடன் மக்களது வரிப்பணத்தை செலவிட்டு இலவச திட்டங்களை வழங்கியும் அதன்மூலம் அரசியல்வாதிகள் சுயவிளம்பரம் தேடிக் கொண்டு தமிழகத்தை சீரழித்து குப்பைமேடாக மாற்றியும், பொதுமக்களின் வரிப்பணத்தை பல்வேறு முறைகேடுகள் செய்து கொள்ளையடித்துள்ளதாக பொதுமக்கள் குற்றம் சாட்டி வருகின்றனர்.
இந்த நிலையில் கடந்த இரு தினங்களுக்கு முன் மதுரையில் நடைபெற்ற சகாயம் – 2016 இளைஞர் எழுச்சி மாநாட்டில் பேசிய திருச்சி மாவட்டத்தைச் சேர்ந்த பிரியதர்ஷினி என்னும் சிறுமி இலவசத் திட்டங்களை எதிர்த்து பல்வேறு கேள்விக் கணைகளைத் தொடுத்து ஜெயலலிதாவின் ஆட்சியை கடும் காட்டமாக விமர்சித்துள்ளார் .
தமிழக முதலமைச்சர் ஜெயலலிதாவின் நேரடி கட்டுப்பாட்டில் இயங்கும் காவல் துறையை சேர்ந்த உளவுப் பிரிவினர் அச்சிறுமியைப் பேசக் கூடாது என சகாயம் – 2016 மாநாட்டை சேர்ந்த அமைப்பாளர் சிலரிடம் சிறுமி பிரியதர்ஷினியின் பேச்சை நிறுத்த சொல்லி எச்சரிக்கை விடுத்து மிரட்டியதாகவும் தாகவும் மாநாட்டில் கலந்து கொண்டவர்கள் பரவலாக பேசியது குறிப்பிடதக்கது .
என்னம்மா! நீங்க! இப்படி! பண்ணுறீங்களேமா?? !!
அந்த மாநாட்டில் சிறுமி பேசிய ஒலிப்பதிவு வாட்ஸ் ஆப்பில் தற்போது வைரலாகப் பரவி வருகிறது.
அந்த ஒலிப்பதிவுடன் சிறுமியின் புகைப்படம் இணைக்கப்பட்ட காணொளி இந்த செய்தியுடன் இணைக்கப்பட்டுள்ளது.
