ஏசர் இந்தியாவில் முதல் கேமிங் லேப்டாப்பை 1080 பிக்சல் தெளிவுத்திறன் மற்றும் 360 ஹெர்ட்ஸ் புதுப்பிப்பு வீதத்துடன் அறிமுகப்படுத்தியுள்ளது.
ஏசர் நிறுவனம் ஏசர் பிரிடேட்டர் ஹீலியோஸ் 300 லேப்டாப்பை இந்திய சந்தையில் அறிமுகம் செய்துள்ளது.
300 ஹெர்ட்ஸ் புதுப்பிப்பு விகிதத்துடன் கேமிங் மடிக்கணினிகள் ஏராளமாக இருந்தாலும், புதிய ஏசர் பிரேடட்டர் ஹீலியோஸ் 300 ஆனது 360 ஹெர்ட்ஸ் வரை 1080 பிக்சல் தெளிவுத்திறனை வழங்கும் முதல் லேப்டாப் ஆகும். மற்றும் காட்சி அடிப்படையில் மட்டும் அல்ல பல அம்சங்களில் ஏசர் பிரிடேட்டர் ஹீலியோஸ் 300 முன்னணியிலும் தனித்துவமான அம்சங்களோடும் வருகிறது.
ஏசர் பிரிடேட்டர் ஹீலியோஸ் 300, ஏசரின் சமீபத்திய கேமிங் லேப்டாப், 5வது தலைமுறை ஏரோபிளேட் 3டி ஃபேன் டெக்னாலஜி போன்ற சிறந்த அம்சங்களைக் கொண்டுள்ளது.
மடிக்கணினியை குளிர்விக்க மூன்று மின்விசிறிகள் பயன்படுத்தப்படுகிறது. நிறுவனத்தின் கூற்றுப்படி, ஏசர் பிரிடேட்டர் ஹீலியோஸ் 300 உயர் புதுப்பிப்பு வீதக் காட்சியைப் பயன்படுத்திக் கொள்ளக்கூடிய சிறந்த விளையாட்டாளர்களுக்காக உருவாக்கப்பட்டுள்ளது. இந்த லேப்டாப் மூன்று மாடல்களில் வருகிறது.
ஏசர் பிரேடட்டர் ஹீலியோஸ் 300 ஆனது 360 ஹெர்டஸ் புதுப்பிப்பு வீதம், 300 ஹெர்ட்ஸ் புதுப்பிப்பு வீதம் மற்றும் 165 ஹெர்ட்ஸ் புதுப்பிப்பு வீதம் என்ற மூன்று மாடல்களில் வருகிறது.
இந்த மாதிரிகள் அனைத்தும் சொந்த 1080 பிக்சல் தெளிவுத்திறனை வழங்குகின்றன. இந்த லேப்டாப் 11-வது தலைமுறை இன்டெல் சிபியுவில் இயங்குகிறது. சாதனம் இன்டெல் கோர் ஐ9-11900எச் சிபியூ உடன் வருகிறது. மடிக்கணினி 4.9 ஜிகா ஹெர்ட்ஸ் வேகத்தில் ஆக்டா கோர் செயலி மூலம் இயக்கப்படுகிறது.
ஏசர் பிரேடட்டர் ஹீலியோஸ் 300 லேப்டாப்பில் யூஎஸ்பி 3.2 ஜென் 1 போர்ட், யூஎஸ்பி டைப் சி போர்ட் (தண்டர் போல்ட் 4) போர்ட், ஆர்ஜே45 போர்ட் மற்றும் 3.5எம்எம் ஆடியோ ஜாக் உள்ளிட்ட இணைப்பு விருப்பங்கள் உள்ளன.
ஏசர் இந்த லேப்டாப்பில் முழு அளவிலான எச்டிஎம்ஐ 2.0 போர்ட்டுடன் வருகிறது. ஏசர் பிரேடட்டர் ஹீலியோஸ் 300 ஆனது 6 ஜிபி நினைவகத்துடன் ஆர்டிஎக்ஸ் 3060 லேப்டாப் ஜிபியூ உடன் வருகிறது.
மடிக்கணினி 16 ஜிபி டிடிஆர்4 நினைவகம் மற்றும் 1 ஜிபி PCIe ஜென்4 எஸ்எஸ்டி உடன் வருகிறது. சாதனம் 2டிபி 2.5-இன்ச் எச்டிடி வரை ஆதரிக்கும் எச்டிடி ஸ்லாட்டையும் கொண்டுள்ளது.
ஏசர் பிரேடட்டர் ஹீலியோஸ் 300 லேப்டாப் 59Whr பேட்டரியைக் கொண்டுள்ளது. இது நீண்ட பேட்டரி ஆயுளை வழங்குகிறது. மடிக்கணினி 2430 வாட்ஸ் பவர் அடாப்டருடன் வருகிறது.
இது சிபியூ மற்றும் ஜிபியூ-வை இயக்க இது போதுமானது. ஏசர் பிரிடேட்டர் ஹீலியோஸ் 300 லேப்டாப்பில் கேமிங் லேப்டாப்பிற்கு தேவையான அனைத்து அம்சங்களையும் நிறுவனம் வழங்கியுள்ளது.
இந்த லேப்டாப்பில் டிஸ்ப்ளே, சக்திவாய்ந்த செயலி, ரேம் மற்றும் கிராபிக்ஸ் ஆகியவை கேமர்களுக்கு சிறந்த அனுபவத்தை வழங்குகிறது.
இன்டெல் கோர் ஐ9-11900எச் செயலியுடன் கூடிய ஜிபியூ, 16 ஜிபி ரேம் மற்றும் 1 டிபி எஸ்எஸ்டி உடன் ஏசர் பிரேடட்டர் ஹீலியோஸ் 300 சாதனத்தின் ஆர்டிஎக்ஸ் 3060 லேப்டாப்பின் விலை இந்தியாவில் ரூ.1,44,999 ஆகும். மடிக்கணினி தற்போது அதிகாரப்பூர்வ இணையதளம் மூலம் விற்பனைக்கு வருகிறது.
இந்த லேப்டாப் பிளிப்கார்ட் மற்றும் பிற அங்கீகரிக்கப்பட்ட கடைகளில் கிடைக்கும். ஏசர் பிரேடட்டர் ஹீலியோஸ் 300 என்பது அதிக புதுப்பிப்பு விகிதத்துடன் மிட்-டையர் கேமிங் லேப்டாப்பைத் தேடுபவர்களுக்கு சிறந்த தேர்வாகும்.
இந்த லேப்டாப்பின் மிகப்பெரிய நன்மை என்னவென்றால், இது மற்ற மானிட்டர்களுடன் இணைக்கப்படாமல் சிறந்த கேமிங் அனுபவத்தை வழங்குகிறது என்பது ஆகும்.