தூத்துக்குடி : தூத்துக்குடி மாவட்டம் தெற்கு ஆத்தூரில் அ.தி.மு.க., பிரமுகர் அய்யப்பன் என்பவர் வெட்டிக் கொலை செய்யப்பட்ட வழக்கில், பழிக்குப் பழி வாங்கும் விதமாக காயல்பட்டினம் பேருந்து நிலையம் அருகே தனது மனைவியின் கண் முன்னர் சிவபெருமாள் என்பவர் கொலை செய்யப்பட்டார். தூத்துக்குடி அருகே தெற்கு ஆத்தூர் பகுதியைச் சேர்ந்த அதிமுக., பிரமுகர் அய்யப்பன் இரு தினங்களுக்கு முன்னர் இரண்டாவது திருமணம் செய்ய முயன்ற போது, அவரது மைத்துனர்களால் வெட்டிக் கொலை செய்யப்பட்டார். இந் நிலையில் இதற்கு பழிக்குப் பழியாக நேற்று காயல்பட்டினத்தில் பேருந்து நிலையம் பகுதியில் பத்திரம் எழுதும் கடை வைத்திருந்த கீரனூர் வீரசடச்சியம்மன் கோயில் தெருவைச் சேர்ந்த சிவபெருமாள்(45) என்பவர் வெட்டிக் கொலை செய்யப்பட்டார். இவர் தனது மனைவி கலைச்செல்வியுடன் நேற்று காலை 10 மணிக்கு கடையில் இருந்தபோது அங்கு வந்த மர்ம கும்பல் கலைச்செல்வி முன்பாக சிவபெருமாளை அரிவாளால் வெட்டிவிட்டு தப்பியது. உயிருக்குப் போராடிய சிவபெருமாள் திருச்செந்தூர் தனியார் மருத்துவமனையில் சேர்க்கப்பட்டு, சிகிச்சை பலனின்றி உயிரிழந்தார். இது குறித்து காயல்பட்டினம் போலீசார் வழக்குப்பதிவு செய்து விசாரித்தபோது, அய்யப்பன் கொலைக்கு முக்கிய காரணமாக இருந்ததால் சிவபெருமாளை கொலை செய்ததாக தெரியவந்தது. கொலையாளிகளை போலீசார் தேடி வருகின்றனர்.
Posts by தினசரி செய்திகள்:
- ஆட்சி மாற்றம்; பழம் பெருமையை மீட்டு வரும் மேற்கு வங்கம்!
- பழைய உளவு உத்தி… புதிய இலக்கு! சீனாவின் ‘ஹனிட்ராப்’ வலையில் என்விடியா தலைவர்?
- புற்றுநோயுடன் போராட்டம்; பலருக்கு நம்பிக்கை அளித்த ராஜஸ்ரீ ஜெய்சன்!
- இந்த அரசுக்கும், நரேந்திர மோடிக்கும் இது மிகவும் பெருமைக்குரிய தருணம்!
- லால்கிஷன் அத்வானியின் 100வது பிறந்த நாள்: பிரதமர் மோடி கட்டுரை!
