பாவூர்சத்திரம் அருகே பாராளுமன்ற உறுப்பினரின் லட்சிய கிராமமான  பெத்தநாடார்பட்டி ஊராட்சிக்குட்பட்ட மகிழ்வண்ணநாதபுரத்தில் 108  ஆம்புலன்ஸ் சேவையை  கே.ஆர் .பி.பிரபாகரன் எம்.பி கொடியசைத்து துவக்கி வைத்தார்
திருநெல்வேலி மாவட்டத்தில் 108  ஆம்புலன்ஸ்கள் மொத்தம் 25  உள்ளது தற்போது கே.ஆர் .பி.பிரபாகரன் எம்.பி  முயற்சியில் பாவூர்சத்திரம், கீழப்பாவூர்  சுற்று வட்டார பொதுமக்களின்  கோரிக்கையினை ஏற்று தற்போது பாவூர்சத்திரத்தில் மக்கள் அவசர காலங்களில் பயன்படும்  வகையில்  பாவூர்சத்திரம் மேம்படுத்தப்பட்ட ஆரம்ப சுகாதார நிலையத்தில்  108  ஆம்புலன்ஸ் நிறுத்தபடுகிறது  ,பாவூர்சத்திரம் பகுதியில் ஆம்புலன்ஸ் இருப்பதால் பாவூர்சத்திரம் ,கீழப்பாவூர்,ஆவுடையானூர்,அடைக்கலப்பட்டிணம்,உட்பட சுற்றுவட்டார  இதைப் பயன்படுத்தி கொள்ளலாம்
இதுகுறித்து கே.ஆர்.பி. பிரபாகரன் எம்.பி.கூறியதாவது
கீழப்பாவூர்  ,பாவூர்சத்திரம் சுற்று வட்டார பொதுமக்களின்  அவசர கால உதவிக்கு 108  ஆம்புலன்ஸ்  தேவை என்பது நீண்ட நாள் கனவாக இருந்தது இது குறித்து என்னிடம் கோரிக்கை வைத்தனர் மேலும் , இப்பகுதி தேசிய நெடுஞ்சாலையில் என்பதால் அடிக்கடி விபத்து ஏற்ப்படுகிறது  சில இடங்களில்  வாகன விபத்து நடைபெற்ற போது அந்த இடத்தில் இருந்த நான் ஆம்புலன்சிற்கு சொல்லி ஆம்புலன்ஸ் வரும் வரை இருந்து அவர்களை காப்பற்றியுள்ளேன் ஆனால்  இப்பகுதியில் ஆம்புலன்ஸ்  இல்லாததால் வர தாமதமானது இதுகுறித்து சுகாதாரதுறை அமைச்சரிடம் தெரிவித்தேன்  தற்போது தமிழக முதல்வரின் உத்தரவின் தற்போது இங்கு ஆம்புலன்ஸ் செயல்பாட்டுக்கு வந்துள்ளது வாகன ஓட்டிகளுக்கு  ஒரு வேண்டுகோளை இந்த நேரத்தில் முன் வைக்கிறேன் ஆம்புலன்ஸ் சத்தம் கேட்டால் முதலில் வழி விட்டு ஒதுங்கி செல்லுங்கள் ஒரு உயிரை காப்பற்றிய பெருமை உங்களைச் சாரும் என்றார் மேலும் ஆம்புலன்ஸ் ஊழியர்களிடம் பொதுமக்கள் மற்றும் ஆம்புலன்சில் சிகிச்சைக்கு வரும் நபர்களிடம் எவ்வாறு நடந்து கொள்ளவேண்டும் என்று  எடுத்துக் கூறினார்

108  ஆம்புலன்ஸ்   சேவை குறித்து அதிகாரிகள் கூறியதாவது
பிரசவ வலியின் போது பெண்கள் உடனடியாக ஆட்டோ பிடித்து மருத்துவமனை செல்கின்றனர் பொதுவாக பெண்கள் பிரசவவலி வரும் நேரத்தில் ஆட்டோவில் உட்கார்ந்து செல்வது பாதுகாப்பனது அல்ல ஆம்புலன்ஸ்ல்  படுக்கை வசதி உள்ளது மேலும் சிலருக்கு ஆம்புலன்சில் குழந்தையும் பிறந்துள்ளது 108   போதுமான வசதி உள்ளது அவசர காலங்களில் இச்சேவையினை பயன்படுத்திக்கொள்ள வேண்டும் முன்பு ,கீழப்பாவூர் ,பாவூர் சத்திரம் பகுதில் இருந்து அழைப்பு வந்தால் தென்காசி அல்லது சுரண்டையில் இருந்துதான் வரவேண்டும் தற்ப்போது பாவூர்சத்திரத்தில் இருப்பதால் அழைப்பு வந்த 10 நிமிடத்திற்குள் அப்பகுதியை அடைந்து விட முடியும் என்றார்
நிகழ்சியில் மாவட்ட கவுன்சிலர் சேர்மபாண்டியன் ,பெத்தநாடார் பட்டி பஞ்சாயத்து தலைவர் இராதா  வட்டார மருத்துவ அலுவலர் ராஜ்குமார்,வட்டார சுகாதார மேற்பார்வையாளர் இசக்கியப்பா,   108 மாவட்ட மேலாளர் மஹமது சாதிக் ,மாவட்ட ஒருங்கிணைப்பாளர் ரமேஷ் ஆழ்வார், லிங்கத்துரை,மேலவைப் பிரதிநிதி கணபதி,ஊராட்சிசெயலர் மதனதுரை,கிளை செயலாளர்கள் அழகேசன்,கணேசன்,பி.எஸ்.என்.எல் ஆலோசனைக்குழு மதியழகன்,அம்மா பேரவை சாமிநாதன் ,மாயாண்டி,செல்லப்பா உட்பட பலர் கலந்துகொண்டனர்

மதுரை:

புகார் கடிதம் கொடுத்தும் அதைப் பெற்றுக் கொள்ளாத காவல் அதிகாரி ஒருவருக்கு, காதல் கடிதம் கொடுத்துப் பார்க்கிறேன்.. இதையாவது நிராகரிக்க மாட்டீர்கள் என்று சட்டக்கல்லூரி மாணவி ஒரு கடிதம் எழுதியுள்ளார். அதற்கு, கடைநிலை ஊழியன் என்ற பெயரில் ஒருவர் பதில் அளித்துள்ளார்.

சமூக வலைத்தளங்களில் அதிகம் பரவி வரும் அந்தச் செய்தி இதுதான்…

காதல் கடிதம் என்ற ஸ்வீட் தடவி, கசப்பு மருந்தாக கவிதா என்ற பெயரில் எழுதியுள்ள அந்தக் கடிதத்தின் விவரம்…

காவல் துறை ஆய்வாளர் திரு. …. சட்டக் கல்லூரி மாணவி கவிதா எழுதும் காதல் கடிதம்

அன்புள்ள திரு. ….. அவர்களே.
கடந்த 4 நாட்களாக முகநூல் மற்றும் வாட்ச்சப்புகளில் பரவி வரும் 3 இளைஞர்கள் அதிமுகவில் சட்டத்திற்கு புறம்பாக பேனர்கள் அகற்றும் வீடியோவை நானும் பார்த்தேன். அதைப் பார்க்கும்போது, என் மனத்திற்குள் இருந்ததை அவர்கள் செய்ததை நினைத்து மகிழ்ச்சி அடைந்தேன். ஒரு பெண் என்பதால் இதை போல செய்ய முடியவில்லையே என்ற வருத்தமும் இருந்தது. அவர்களின் நியாயமான கோபத்திற்கு தாங்கள் அவர்கள் முறைப்படி அளித்த புகாரை வாங்க மறுத்ததே காரணம் என்று செய்திகள் வாயிலாக தெரியவந்தது.

பொது மக்கள் தரும் புகாரை வாங்கவே நீங்கள் உள்ளீர்கள். அப்படியிருக்க, complaint letter வாங்க மறுக்கும் உங்களுக்கு Love letter கொடுத்து பார்க்கலாம் என்று முடிவு எடுத்து இதை எழுதுகிறேன். மக்களுக்காக வேலை செய்வதை விட்டு விட்டு ஆளுங்கட்சிக்கு அடிமையானதை நினைத்து எனக்கும் உங்கள் மேல் காதல் வந்துவிட்டது. புகார் கடிதத்தை நிராகரித்தது போல் என் காதல் கடிதத்தையும் நிராகரிக்க மாட்டீர்கள் என்று நம்பிக்கையுடன் காத்திருக்கும்

கவிதா

***

நந்த குமாரின் முகநூல் பக்கத்தில்…

மத்தளத்திற்கு இரண்டு பக்கமும் இடின்னு தெரியும் ஆனா 1) பொதுஜனம், 1)அரசு, 3) அரசியல்வாதி, 4) ஊடகம்ன்னு நாலுபக்கமும் இடிவாங்கும் காவல் துறையின் ஒரு பிரிவில் பணிபுரியும் கடை நிலை ஊழியனின் வணக்கங்கள்.
 
நீங்களோ, நானோ பிறக்காத 1952 ம் ஆண்டு முதல்,1970 ம் ஆண்டுகளில் போலீஸ் ஐ.ஜி,யாக பணியாற்றியவர் எப்.வி.அருள், கண்ணியத்திற்கும், நேர்மைக்கும் பெயர் பெற்று, தமிழக போலீஸ் வரலாற்றில், தனக்கென, ஓர் இடத்தைப் பிடித்தவர். அவர் பணியாற்றிய காலகட்டத்தில் சென்னையில் பருத்திச் சூதாட்டம் என்ற பெயரில் ஏழை அப்பாவி மக்கள் மோசடி செய்யப்பட்டதையும், கோவையில் பெரும் தொழிலதிபர் ஒருவர் கள்ளநோட்டு அச்சடித்துப் புழக்கத்தில் விட்டதையும் குறித்து உயர் போலீஸ் அதிகாரியாக இருந்த எப்.வி. அருள் மிகத் திறமையாகப் புலனாய்வு செய்து சம்பந்தப்பட்டவர்கள் மிகமிகச் செல்வாக்குப் படைத்தவர்களாக இருந்தும் கொஞ்சமும் தயங்காது அவர்களைக் கைது செய்தார்.
 
முதலமைச்சராக இருந்த காமராஜருக்கு பல்வேறு வகையான நெருக்கடிகள் கொடுக்கப்பட்டபோதிலும் அவர் அருள் எடுத்த நடவடிக்கைகளில் கொஞ்சமும் தலையிடவில்லை. முதலமைச்சரின் நேர்மை அவரின் கீழிருந்த அதிகாரிகளையும் நேர்மையாக்கி திறமையுடன் செயல்பட வழிவகுத்தது.
இப்போ உள்ள காலத்துல லோக்கல் கவுன்சிலர்கிட்ட கூட இந்த நேர்மையான குணத்தை காணமுடியாது.
 
நீங்கள் படிக்கும் சட்டக் கல்லூரியையே எடுத்துக் கொள்வோம், உங்கள் கல்லூரி முதல்வர் சரியில்லை என்றால் போராசிரியரும் அலட்சியமாகதான் பாடம் எடுப்பார். உங்களுக்கு சொல்லி தரும் பேராசிரியர் சரியில்லை என்றால். உங்கள் சட்டப்படிப்பின் தரம் எப்படி இருக்கும்.
 
மேயற மாட்ட நக்கற மாடு கெடுத்த மாதிரின்னு ஒரு பழமொழி இருக்கு தெரியும்ன்னு நெனைக்கறேன். ஒரு இன்ஸ்பெக்டர் நேர்மையா ஒரு வழக்கு போடனும்ன்னா எத்தனை இடர்பாடுகளை சந்திக்க வேண்டியிருக்கும் தெரியுமா?
 
ஒன்றியத்துல இருந்து மாவட்டம் வரை, கவுன்சிலர்ல இருந்து எம்.எல்.ஏ. வரை கேஸ் போடாதீங்கன்னுவாங்க, இன்னொரு டிரான்ஸ்பர்க்கு குடும்பம் தாங்காதுடான்னு குடும்பத்தை நெனைச்சு கேஸ் போடாம விட்டா பாதிக்கப்பட்டவங்க கண்ணீரோட கொடுக்கற சாபம் ஒரு பக்கம், நேர்மையா நடவடிக்கை எடுத்து கேஸ் போட்டா டிரான்ஸ்பர்ன்னு ஒரு பக்கம். மரியாதைக்குரிய காவல்துறை பணியை நாய் பொழப்புடான்னு சலிச்சுக்க வச்ச பெருமை பொதுமக்களான உங்களை போன்றவர்களையே சேரும்.
 
நியாயப்படி உங்க லவ் லட்டரை யாருக்கு கொடுக்கணும் தெரியுமா ? குவாட்டருக்கும், கோழிபிரியாணிக்கும், சேலைக்கும், ஆயிரம் ஐநூறு பணத்துக்கும் கடைசில லட்டுல வச்சு கொடுக்கற, நக்கினால் கரையும் தங்க மூக்குத்திக்கும் ஆசைபட்டு, யாருக்கு ஓட்டு போடுறோம், நல்லவரா, கெட்டவரா ஆள் எப்படி இரண்டாவது தடவ எலக்சன்ல நிக்கிறாரே முத தடவ நின்னு என்ன கிழிச்சார்ன்னு யோசிக்கம காசுக்கும், இலவசத்துக்கும் வித்தீங்களே உங்க ஓட்ட (Vote) மக்கள் பிரதிநிதின்னு ஒருத்தருக்கு அவருக்கு கொடுக்கணும்.
கடைசியா…
 
பழுதெண்ணும் மந்திரியின் பக்கத்துள் தெவ்வோர்
எழுபது கோடி உறும். -639
-குறள்
 
பொருள் தவறான வழிமுறைகளையே சிந்தித்துச் செயல்படுகிற அமைச்சர் ஒருவர் அருகிலிருப்பதை விட எழுபது கோடி எதிரிகள் பக்கத்தில் இருப்பது எவ்வளவோ மேலாகும்.
 
நீங்க நல்ல தலைமையை தேர்ந்தெடுத்தால், காவல்துறை இப்படித்தான் செயல்படனும்ங்கற உங்க அறிவுரைக்கும், லவ் லெட்டருக்கும் அவசியமே இல்லை. என்று நந்தகுமார் அவரது முகனூல் பக்கத்தில் வெளியிட்டுள்ள பதிவில் கூறியுள்ளார் .

புது தில்லி,:

விமான நிலையங்களுக்குச் சூட்டப்பட்டுள்ள தலைவர்கள் பெயர்களை நீக்கிவிடலாம் என மத்திய அரசு முடிவு செய்துள்ளது.

இந்தியாவின் முக்கிய நகரங்களில் உள்ள விமான நிலையங்களுக்கு அந்தந்த மாநில அரசியல் தலைவர்களின் பெயர்கள் சூட்டப்பட்டுள்ளன. சென்னையில் உள்நாட்டு விமான நிலையத்துக்கு காமராஜர் பெயரும் சர்வதேச விமான நிலையத்துக்கு அண்ணா பெயரும் சூட்டப்பட்டுள்ளது.

நாடெங்கும் சில விமான நிலையங்களுக்கு பெயர் சூட்டப்படாமல் உள்ளது. அந்த விமான நிலையங்களுக்கு தங்கள் கட்சி தலைவரின் பெயரை சூட்ட பல்வேறு கட்சியினர் கோரிக்கை விடுத்தவண்ணம் உள்ளனர். சண்டிகர் நகரில் உள்ள விமான நிலையம் பஞ்சாப், அரியானா இரு மாநிலங்களுக்கும் பொதுவாக உள்ளது. அந்த விமான நிலையத்துக்கு சுதந்திரப் போராட்ட தியாகி பகத்சிங் பெயரை சூட்ட வேண்டும் என்று பஞ்சாப் மாநில அரசு கூறி வருகிறது. ஆனால் அரியானா மாநில அரசு, சண்டிகார் விமான நிலையத்துக்கு ஆர்.எஸ்.எஸ். தலைவர் பெயரை சூட்ட வேண்டும் என்று வலியுறுத்தி வருகிறது.

இந்நிலையில் மத்திய விமான போக்குவரத்துத் துறை புதிய கொள்கை ஒன்றை வரையறுத்துள்ளது. அதில் இந்தியாவில் உள்ள விமான நிலையங்களுக்கு சூட்டப்பட்டுள்ள அரசியல் தலைவர்களின் பெயர்களை நீக்க வேண்டும் என்று பரிந்துரை செய்துள்ளது. இது தொடர்பாக விமான போக்குவரத்துத்துறை அமைச்சகம் தொடர்ந்து ஆலோசனை நடத்தி வருகிறது.

இந்த மாத இறுதியில் மத்திய அமைச்சரவைக் கூட்டம் நடைபெறும்போது, அதில், விமான போக்குவரத்துத் துறையின் கொள்கை குறித்து மத்திய அரசு முடிவு எடுக்கவுள்ளது.

தலைவர்களின் பெயர்கள் நீக்கப்படும் பட்சத்தில் அந்தந்த நகரின் பெயரிலேயே விமான நிலையத்தை அழைக்க பரிந்துரை செய்யப்பட்டுள்ளது. பெரும்பாலான கட்சிகள் தலைவர்கள் பெயரை அகற்ற சம்மதம் தெரிவித்துள்ளனவாம்.

புது தில்லி:
ஜெயலலிதா மீதான சொத்துக் குவிப்பு வழக்கில் பெங்களூர் தனி நீதிமன்றம் வழங்கிய 4 ஆண்டு சிறை தண்டனை தீர்ப்பை எதிர்த்து முதலமைச்சர் ஜெயலலிதா உள்ளிட்ட 4 பேரும் கர்நாடக உயர் நீதிமன்றத்தில் மேல்முறையீடு செய்திருந்தனர். அதில், தனி நீதிமன்ற தீர்ப்பை நீதிபதி குமாரசாமி ரத்து செய்ததுடன், ஜெயலலிதா உள்ளிட்ட 4 பேரையும் விடுதலை செய்து தீர்ப்பு அளித்தார்.

இதனை எதிர்த்து கர்நாடக அரசு சார்பில் உச்ச நீதிமன்றத்தில் மேல்முறையீட்டு மனு தாக்கல் செய்யப்பட்டது. மேலும், தி.மு.க. பொதுச்செயலாளர் க.அன்பழகன் தரப்பிலும் மேல்முறையீட்டு மனு தாக்கல் செய்யப்பட்டது.

இந்த இரு மனுக்களையும் உச்ச நீதிமன்றம் விசாரணைக்கு ஏற்றது. இந்த மனுக்கள் மீதான விசாரணையை ஜன. 8ஆம் தேதிக்கு அப்போது நீதிமன்றம் ஒத்தி வைத்திருந்தது. இந்நிலையில், சொத்துக் குவிப்பு வழக்கை விசாரிக்கும் விசாரணை நீதிபதி மாற்றம் செய்யப்பட்டுள்ளார். நீதிபதி ஆர்.கே அகர்வாலுக்குப் பதிலாக அமித்வா ராய் விசாரிப்பார் என்று தெரிவிக்கப்பட்டுள்ளது.

இந்த வழக்கின் மீதான விசாரணை இன்று பினாகி சந்திரகோஷ் மற்றும் அமித்வா ராய் ஆகியோர் அடங்கிய அமர்வு முன் விசாரணைக்கு வந்தது.

அப்போது , ஜெயலலிதா உள்ளிட்டோர் சொத்துக் குவிப்பு வழக்கில் கர்நாடக அரசு, அன்பழகன், ஜெயலலிதா ஆகியோர் பதில் அளிக்க நீதிபதிகள் உத்தரவிட்டனர்,. மேலும் தினமும் வழக்கை விசாரிப்பது குறித்தும், பிற வழக்குகளைப் பொறுத்து முடிவு செய்யப்படும் என்றும், ஜெயலலிதா உள்ளிட்டோர் மீதான சொத்துக் குவிப்பு மேல்முறையீட்டு வழக்கில் பிப். 2 ஆன் தேதி முதல் இறுதி விசாரணை நடத்தப்படும் என்றும் அவர்கள் கூறினர்.