சிவகங்கை மாவட்டம் தேவகோட்டை சேர்மன் மாணிக்க வாசகம் அரசு உதவி பெறும் நடுநிலைப் பள்ளியில் விடுமுறை எடுக்காமல் கல்விப் பணியாற்றிய முத்து மீனாள் என்ற ஆசிரியைக்கு விருது வழங்கும் விழா நேற்று நடைபெற்றது.

விருது வழங்கும் விழா அந்த பள்ளியின் தலைமை ஆசிரியர் சொக்கலிங்கம் முன்னிலை வகித்தார். தேவகோட்டை உதவி தொடக்கி கல்வி அலுவலர் லெட்சுமி தேவி சிறப்பு விருந்தனராக கலந்து கொண்டார்.

கடந்த 2015 ஒரு ஆண்டு முழுவதும் தற்செயல் விடுப்பு உட்பட எந்த விடுப்பும் எடுக்காமல் எடுக்காமல் அந்த பள்ளியில் கல்விப் பணியாற்றிய இடை நிலை ஆசிரியர் முத்து மீனாளை பாராட்டி லெட்சுமி தேவி விருது வழங்கினார் .

விழாவில் தேவகோட்டை உதவி தொடக்கி கல்வி அலுவலர் லெட்சுமி தேவி பேசியதாவது :-

இன்றைய சூழ்நிலையில் குடும்பத்தின் பல்வேறு வேலைகளுக்கு இடையில் அர்ப்பணிப்பு உணர்வுடன் விடுமுறை எடுக்கமால் ஆண்டு முழுவதும் ஓய்வறியா கல்வி பணியாற்றிய ஆசிரியை முத்து மீனாளை பாராட்டி, வாழ்த்தி விருது வழங்குவதில் மிக்க மகிழ்ச்சி அடைகிறேன்.

மேலும் ஆசிரியைக்கு இன்னும் நிறைய விருதுகள் கிடைக்கவும், தொடர்ந்து அவரது கல்விப் பணி சிறக்கவும் ,குடும்பத்தினர் அனைவரும் நன்றாக வாழவும் வாழ்த்துகிறேன் என்றார்.

தேவகோட்டை ஸ்ரீ சேவுகன் அண்ணாமலை கலை மற்றும் அறிவியல் கல்லூரி முதல்வர் சந்திரமோகன்
பேசியதாவது :-

அரசு உதவி பெறும் பள்ளியில் பெண் ஆசிரியை முத்து மீனாள் எவ்வித விடுப்பும் எடுக்காமல் ஒரு குறிக்கோளுடன் குடும்பத்தையும் கவனித்து , அத்துடன் அரசு விடுமுறை நாட்களிலும் திருச்சி,சென்னை போன்ற இடங்களுக்கு மாணவர்களை அழைத்து சென்றது, விடுமுறை நாட்களில் பல்வேறு இடங்களில் நடைபெறும் போட்டிகளுக்கும் பயற்சி கொடுத்து அழைத்து சென்றதும் பாராட்ட பட வேண்டிய செயல் ஆகும் என்று பேசினார்.

நடை பெற்ற விருது வழங்கும் விழாவில் அந்த பள்ளியில் கல்வி பயிலும் மாணவர்கள் மற்றும் பணியாற்றும் ஆசிரியோர் உள்ளிட்ட பலர் கலந்து கொண்டனர். விழாவில் ஆசிரியர் சோமசுந்தரம் நன்றி கூறினார்.

–  முதுவை ஹியாத்  –
செய்தியாளர் ( தினசரி தமிழ் செய்தித் தளத்தின் வாசகர் )

பாவூர்சத்திரம் மார்க்கெட்டில் தேங்காய் விலை சரிவு 

திருநெல்வேலி மாவட்டம் பாவூர் சத்திரம் வர்த்த்கம் மிகுதியாக நடைபெறும் நகரமாகும் இங்குள்ள தினசரி காய்கறி மார்கெட்டில் இருந்து ,கோயமுத்தூர் ,திருப்பூர் சென்னை என தமிழகம் மட்டுமின்றி அண்டை மாநிலமான கேரளா ,கர்நாடகா என பல்வேறு இடங்களுக்கு இங்கிருந்து காய்கறிகள் செல்வது வழக்கம்  ,இங்குள்ள  காய்கறி மார்க்கெட்டில் தேங்காய் விலை சரிவு ஏற்பட்டுள்ளது ,ஆனால் வெண்டைக்காய் விலை ஏற்றம் காணப்பட்டது.
பாவூர்சத்திரம் மார்க்கெட்டில் கடந்த வாரம் தேய்காய் கிலோவுக்கு ரூ.29 வரை விற்றது  திடீரென ரூ.17க்கு சரிந்தது. இதனால் தேங்காய் விவசாயிகள் பெரும் கவலையடைந்தனர். ஆனால் பொதுமக்கள் தேங்காய் விலை குறைவால் மகிழ்ச்சியடைந்துள்ளனர் இதுகுறித்து வியாபாரிகள் கூறியதாவது கடந்தமாதங்களில் மழையின் காரணமாக தேங்காய் வரத்து குறைவாக இருந்தது, இதனால் விலை ஏற்றம் காணப்பட்டிருந்தது, தற்போது தேங்காய் வரத்து வழக்கத்தை விட கூடுதலாக இருப்பதால் விலை சரிவு ஏற்பட்டுள்ளது என்கின்றனர் .,மேலும் கடந்த நாட்களில் வெண்டைக்காய்  கிலோ ரூ.30 வரை விற்றது தற்போது  கிலோவுக்கு ரூ.15 அதிகரித்து ரூ55க்கு விற்றபனையாகிறது. வழக்கமாக வரும் வெண்டைக்காய் வரத்து இன்றி மிக குறைவாக வந்ததால் வெண்டைக்காய் விலை ஏற்றம் காணப்பட்டதாக வியாபாரிகள் தெரிவித்தனர் .

பாவூர்சத்திரம் அருகே அவதூறாக பேசும் ஊழியரை மாற்றக்கோரி பீடிக்கடையை பெண்கள்  முற்றுகையிட்டனர்.
பாவூர்சத்திரம் அருகே மலையராமபுரத்தில் தனியார் பீடி நிறுவனம் உள்ளது. இங்கு இப்பகுதி பெண்கள் இலை, தூள் வாங்கி  பீடி சுற்றி கொடுத்து வந்தனர். இந்நிலையில் இங்கு பணிபுரிந்து வந்த நிறுவன ஊழியர் ஒருவர் பெண்களிடம் இரட்டை அர்த்தத்தில் வேண்டதகாக வார்த்தை பேசியதாக கூறப்படுகிறது. இதனால் மன உளைச்சல் அடைந்த பெண்கள் நிறுவன ஊழியரை உடனடியாக மாற்றுக்கோரி பீடிக்கடையை முற்றுகையிட்டனர்.
சம்பவம் அறிந்து பாவூர்சத்திரம் உதவி ஆய்வாளர் ஜெயகுமார் தலைமையில் போலீசார் விரைந்து முற்றுகையிட்ட பெண்களிடம் பேச்சுவார்த்தை நடத்தினர். பீடிக்கடையை நிர்வாகிகளை தொடர்புகொண்டு பிரச்சனைக்குரிய ஊழியரை இடம் மாற்ற செய்திட நடவடிக்கைமேற்கொள்ளப்பட்டதை தொடர்ந்து முற்றுகையிட்ட பெண்கள் கலைந்துசென்றனர்.
பெண்களின் திடீர் முற்றுகையால் இப்பகுதியில்  பரபரப்பு ஏற்றப்பட்டது