திருச்செந்தூர் சுப்பிரமணிய சுவாமி கோவிலில் உண்டியல்கள் மாதந்தோறும் இரண்டு முறை எண்ணப்படுகிறது.

டிசம்பர் மாத உண்டியல் எண்ணிக்கையானது கடந்த 7-ஆம் தேதி மற்றும் 21-ஆம் தேதி கோவில் வளாகத்தில் உள்ள கோவிந்தம்மாள் ஆதித்தனார் திருமண மண்டபத்தில் வைத்து எண்ணப்பட்டது.

இந்த உண்டியல் எண்ணும் பணியில் சிவகாசி பதினென்சித்தர் மடம் குருகுலம் வேதபாடசாலை உழவாரப்பணிக்குழுவினர் மற்றும் கோவில் பணியாளர்கள் ஈடுப்பட்டனர். கடந்த 7-ந் தேதி எண்ணும் போது ரூ.1 கோடியே 39 லட்சத்து 32 ஆயிரத்து 926 கிடைத்தது.

அதேபோல் 21-ந் தேதி எண்ணும் போது ரூ.1 கோடியே 48 லட்சத்து 73 ஆயிரத்து 387 கிடைத்தது. ஆக மொத்தத்தில் இந்த மாதத்தில் உண்டியல் வருமானம் ரூ.2 கோடியே 88 லட்சத்து 6 ஆயிரத்து 313 கிடைத்துள்ளது.

அதேபோல், இந்த மாதம் மொத்தத்தில் 2 ஆயிரத்து 36 கிராம் தங்கமும், 18 ஆயிரத்து 200 கிராம் வெள்ளியும், 73 வெளிநாட்டு நோட்டுகளும் கிடைத்துள்ளது.

ALSO READ: ஸ்ரீவில்லிபுத்தூர் கோயிலில் பிரமோத்ஸ்வம் தொடக்கம்!