நம்மில் பலருக்கும் ஜிமெயில் பற்றிய பெரிய அறிமுகம் தேவைப்படாது. கிட்டத்தட்ட 2 பில்லியன் யூசர்களை தன்வசம் கொண்டுள்ள ஜிமெயில், உலகம் முழுதும் அதிகம் பயன்படுத்தப்படும் மின்னஞ்சல் சேவைகளில் ஒன்றாகும்.
ஜிமெயில் ஆனது தனிப்பட்ட மற்றும் தொழில் சார்ந்த நோக்கங்களுக்காக பயன்படுத்தப்படுகிறது.
கோவிட்-19 தொற்றுநோயின் விளைவாக ‘வொர்க் ஃப்ரம் ஹோம்’, ‘ஆன்லைன் கிளாஸ்’, ‘விர்ச்சுவல் ஈவென்ட்’ என்கிற ‘கான்செப்ட்டுகள்’ உருவாக, பெரும்பாலான விஷயங்கள் ஆன்லைன் வழியாகவே நடந்து வருகிறது.
இதனை கருத்தில் கொண்டு, ஜிமெயிலுக்கான லாக்இன் பாஸ்வேர்டுகளின் பாதுகாப்பு எதை காட்டிலும் அதிக முக்கியத்துவத்தைப் பெற்றுள்ளது.
கூகுள் போட்டோஸ், கூகுள் டாக்ஸ், கூகுள் மீட் மற்றும் பிற கூகுள் சேவைகளை அணுகுவதற்கு உங்களுக்கு இது தேவை. எனவே, உங்கள் ஜிமெயில் அக்கவுண்ட்டிற்கான அணுகலை இழப்பது அல்லது பாஸ்வேர்ட் தெரியாமலேயே ஜிமெயில் அக்கவுண்ட்டை விட்டு லாக் அவுட் ஆகிவிடுவது போன்ற செயல்கள் உங்களை பெரும் சிக்கலுக்குள் தள்ளலாம்.
ஒருவேளை நீங்கள் உங்கள் ஜிமெயில் லாக்-இன் பாஸ்வேர்ட்டை இழந்து விட்டால், மறந்து விட்டால் உங்கள் அக்கவுண்ட்டிற்கான அணுகலைத் திரும்பப் பெறுவதற்கான பல்வேறு வழிகள் உள்ளன.
பாஸ்வேர்ட் இல்லாமல் லாக்டு ஆன ஜிமெயில் அக்கவுண்ட்டை அணுகுவது எப்படி?
வழிமுறை 1:
பாஸ்வேர்ட் இல்லாமல் ‘லாக்’ ஆன ஜிமெயில் அக்கவுண்ட்டை திறக்க, அல்லது பாஸ்வேர்டு தெரியாத போதும் மொபைல் போன் வழியாக லாக்-இன் செய்ய நீங்கள் உங்கள் தொலைபேசி எண்ணை பயன்படுத்தலாம். இந்த செயல்முறையில் ஜிமெயில், உங்களின் பதிவு செய்யப்பட்ட மொபைல் எண்ணுக்கு ஒடிபி ஒன்றை அனுப்பும், அதை வைத்து நீங்கள் லாக்-இன் செய்யலாம்.
வழிமுறை 2:
ரெக்கவரி இமெயில் ஐடி / போன் நம்பரை பயன்படுத்தலாம். ஜிமெயில் அக்கவுண்ட் உடன் இணைக்கப்பட்டுள்ள மீட்பு மின்னஞ்சல் முகவரி அல்லது மொபைல் போன் எண் வழியாக பாஸ்வேர்ட் அல்லது ஒடிபி விவரங்களைப் பெறவும்.
ஒருவேளை ரெக்கவரி ஜிமெயில் அல்லது போன் எண்ணையும் நீங்கள் நினைவில் வைத்துக்கொள்ளவில்லை என்றால், கூகுள் அக்கவுண்ட் பக்கத்தில் உள்ள “இது நீங்கள்தான் என்பதை நாங்கள் சரிபார்க்கும் வழிகள்” (Ways we can verify it’s you) என்கிற விருப்பத்தின் கீழ் தொடரலாம்.
வழிமுறை 3:
உங்கள் ஆண்ட்ராய்டு போன் ஆனது கூகுள் அக்கவுண்ட் உடன் இணைக்கப்பட்டுள்ளதா என்பதை சரிபார்க்கவும். இது “பாஸ்வேர்டு மறந்து போச்சே!” என்கிற சிக்கலுக்கு ஒருபோதும் வழிவகுக்காது. மேலும் தோராயமாக உருவாக்கப்பட்ட எண்ணைப் பயன்படுத்தி, உங்கள் லாக்-இன்னை உறுதிப்படுத்த, கூகுள் ஆத்தென்ட்டிகேட்டர் ஆப்பையும் நீங்கள் பயன்படுத்தலாம்.
வழிமுறை 4:
நீங்கள் வழக்கமாக லாக்-இன் செய்ய பயன்படுத்தும் டிவைஸ் / லோக்கேஷனை பயன்படுத்தி லாக்-இன் செய்ய முயற்சிக்கவும், அதாவது லாக்-இன் செய்ய அடிக்கடி பயன்படுத்தும் டிவைஸ் (கணினி, லேப்டாப் அல்லது பிசி), ப்ரவுஸர் மற்றும் லோக்கேஷனில் இருந்து லாக்-இன் செய்யவும்.
வழிமுறை 5:
செக்யூரிட்டி கேள்வி / கேள்விகளுக்குப் பதிலளிப்பதன் மூலமும் நீங்கள் லாக்-இன் செய்யலாம். எல்லா இமெயில் அக்கவுண்ட்களும் சீக்ரெட் செக்யூரிட்டி கேள்விகளுடன் இணைக்கப்பட்டுள்ளன.
ஒரு ஜிமெயில் அக்கவுண்ட்டை உருவாக்கும் போதே செக்யூரிட்டி கேள்வி மற்றும் அதற்கான பதிலை அமைக்க சொல்லி கூகுள் கேட்கிறது. உங்களிடம் ரிக்கவரி மின்னஞ்சல் ஐடி அல்லது போன் நம்பர் இல்லையென்றால், லாக்இன் செய்ய இந்த செக்யூரிட்டி கேள்விகளுக்கு பதிலளிக்கலாம்.