பத்துமா அவார்டு! பத்துமா மைலார்டு!

”பத்ம விபூஷன் பட்டியலில் ரஜினிகாந்த் பெயர் இருப்பதாக முன்னதாக தகவல் வெளியானதே?” ”ஆமாம். பிரதமர் மோடியே தன் கைப்பட ரஜினியின் பெயரை எழுதித் தந்திருக்கிறார். ஆனால் இது தன்னை பாரதிய ஜனதா பக்கம் இழுக்கும் முயற்சி என்று ரஜினி தனக்கு நெருங்கியவர்களிடம் கமெண்ட் அடித்திருந்திருக்கிறார்” ”ஓஹோ” ”தவிர பத்மவிபூஷன் கொடுத்தாலும் ரஜினி தங்கள் கட்சிப் பக்கம் வரமாட்டார்கள் என்று தமிழக பாரதிய ஜனதாத் தலைவர்கள் திட்டவட்டமாக அமித்ஷாவிடம் தெரிவித்தார்களாம். ஆகவே கடைசி நிமிடத்தில் அவரின் பெயர் பட்டியலில் இருந்து நீக்கப்பட்டுள்ளதாகக் கூறப்படுகிறது.” ”இது அவரை உசுப்பேற்றி விடாதா?” ”அப்படியாவது அவர் அரசியலுக்கு வந்தால் போதும். அதன் பிறகு தங்கள் பக்கம் இழுத்து விடலாம் என்று நினைக்கிறார்கள் பாஜகவினர்.” “சரி தான்” “தன்னால் தான் ரஜினிகாந்திற்குக் கொடுக்கவிருந்த பத்மவிபூஷன் விருது கொடுக்கப்படவில்லை என்று அசிங்காரவேலன் பேச ஆரம்பித்திருப்பதாகவும் தகவல்” “அடடே” ”அதே நேரத்தில் வட இந்திய ஊடகங்களிலும் மூன்று நாட்களுக்கு முன்னரே வந்த செய்திகள் அனைத்திலும் அமிதாப், அத்வானி பெயர்களை விட ரஜினிகாந்த் பெயர் முன்னிலைப்படுத்தியிருந்ததை அரசியல்நோக்கர்கள் கவனிக்கத் தவறவில்லை. அநேகமாக அடுத்த ஆண்டு பட்டியலில் அவர் பெயரைச் சேர்ப்பதாகக் கூறி அரசியலுக்கு இழுக்கும் முயற்சிகள் பலமாக நடைபெறலாம்” சொல்லி விட்டு விர்ர்ர்ர்ர்ர்ர்ர்ர்ர்ர்ரென்று ஓடினார் எலியார். – மாயவரத்தான்