அமெரிக்க ஓபன் டென்னிஸ் தொடரின் மகளிர் ஒற்றையர் பிரிவு 2வது சுற்றில் விளையாட, நட்சத்திர வீராங்கனை மரியா ஷரபோவா (ரஷ்யா) தகுதி பெற்றார். முதல் சுற்றில் சுவிட்சர்லாந்தின் பேட்டி ஷ்னைடருடன் மோதிய ஷரபோவா 6-2 என முதல் செட்டை கைப்பற்றி முன்னிலை பெற்றார். இரண்டாவது செட்டில் ஷ்னைடர் கடும் நெருக்கடி கொடுத்ததால் ஆட்டம் டை பிரேக்கர் வரை இழுபறியாக நீடித்தது. எனினும், பதற்றமின்றி விளையாடிய ஷரபோவா 6-2, 7-6 (8-6) என்ற நேர் செட்களில் வென்று 2வது சுற்றுக்கு முன்னேறினார். இப்போட்டி 1 மணி, 51 நிமிடத்துக்கு நடந்தது.
