லட்சக்கணக்கான இந்தியர்கள் ஒவ்வொரு நாளும் பல்வேறு பணிகளுக்காகவும் ஆயிரக்கணக்கான செய்திகளைப் பரிமாறிக் கொள்ளவும் வாட்ஸ்அபை பயன்படுத்துகின்றனர்.
சில நேரங்களில், முக்கியமான செய்திகள் தொலைந்து போகலாம், வாட்ஸ்அப் பயனர் தவறுதலாக அரட்டையை (Chat) நீக்கிவிடலாம் அல்லது தனது பழைய போனை புதியதாக மாற்றும்போது அதை இழக்க நேரிடலாம்.
முக்கியமான செய்திகளை இழப்பது சிக்கலாக இருக்கலாம். முக்கியமான இணைப்புகள், ஆவணங்கள் புகைப்படங்கள், தொடர்பு போன்றவற்றை இழக்கலாம்.. இருப்பினும், வாட்ஸ்அப் பயனர்கள் தங்கள் சாதனத்தில் சேமிக்கப்பட்ட தரவை அணுகக்கூடிய செயல்முறையைப் பின்பற்றுவதன் மூலம் இதுபோன்ற அரட்டைகளை மீட்டெடுக்க முடியாது..
எண்ட்-டு-எண்ட் என்க்ரிப்ஷன் மூலம், பயனர்களின் அரட்டைகள் அதன் சர்வர்களில் WhatsApp ஆல் சேமிக்கப்படுவதில்லை. பெரும்பாலான சந்தர்ப்பங்களில் கூகுள் டிரைவ் அல்லது பயனரின் ஸ்மார்ட்ஃபோன் அல்லது பிற சாதனத்தின் இண்டர்நெல் மெமரியில் காப்புப் பிரதியாக அவை சேமிக்கப்படும். தொலைந்து போன அரட்டைகளை காப்புப் பிரதி எடுக்க இந்தத் தரவுத்தளங்களைப் பயன்படுத்தலாம்.
WhatsApp அரட்டைகளை போன் மெமரியில் இருந்து எவ்வாறு மீட்டெடுப்பது?
உங்கள் மொபைலில் உள்ள file manager பயன்பாட்டிற்குச் செல்லவும்.
இண்டர்நெல் ஸ்டோரேஜில் உள்ள ‘WhatsApp’ ஃபோல்டரை தேர்வு செய்யவும்.
‘WhatsApp’ ஃபோல்டரில், உங்கள் அரட்டை காப்புப்பிரதிகள் தேதிகளின்படி அமைக்கப்பட்டிருக்கும் ‘Databases’ ‘ என்பதற்குச் செல்லவும்.
நீங்கள் WhatsApp அரட்டை வரலாற்றை மீட்டெடுக்க விரும்பும் தேதியின் காப்புப்பிரதியைத் தேடுங்கள்.
காப்புப்பிரதி வெளிப்புற நினைவக சிப்பில் (external memory card) இருந்தால், உங்கள் ஸ்மார்ட்போனின் உள் சேமிப்பகத்தில் கோப்புறையை நகலெடுக்கவும்.
msgstore.db.crypt12 என்ற ஃபைலின் பெயரை தேடவும்.. பின்னர் அதனை msgstore_BACKUP.db.crypt12 என மாற்றவும்.
அடுத்து, msgstore-YYY-MM-DD.1.db.crypt12 என்ற ஃபைலை தேடவும். இந்தக் கோப்பின் பெயரை msg.db.crypt12 என மாற்றவும்.
உங்கள் சாதனத்திலிருந்து வாட்ஸ்அப்பை அன் இன்ஸ்டால் செய்து மீண்டும் இன்ஸ்டால் செய்யவும்.
உங்கள் தொலைபேசி எண் மூலம் உள்நுழைந்து, அரட்டை வரலாற்றை மீட்டெடுக்க, ‘Restore’ என்பதைக் கிளிக் செய்யவும்.
குறிப்பிட்ட தரவுத்தளத்திலிருந்து நீக்கப்பட்ட அரட்டைகளை நீங்கள் பார்க்க முடியும்.
கூகுள் டிரைவில் உள்ள பேக்அப்பில் இருந்து வாட்ஸ்அப் அரட்டையை மீட்டெடுப்பது எப்படி?
Google இயக்ககத்திலிருந்து மீட்டெடுக்க, ஆண்ட்ராய்டு பயனர்கள் கிளவுட் சேவையில் அரட்டை காப்புப்பிரதி இயக்கப்பட்டிருப்பதை உறுதிசெய்ய வேண்டும்.
தினசரி, வாராந்திர அல்லது மாதந்தோறும் பயனர் விருப்பப்படி அரட்டைகளை காப்புப் பிரதி எடுக்க முடியும். பயனர்கள் அதே Google கணக்குடன் பயன்படுத்த விரும்பும் புதிய சாதனத்திற்கு மாறும்போது இதைப் பயன்படுத்தலாம். இந்த வழிமுறைகளை பின்பற்றவும்:
வாட்ஸ்அப்பை நீக்கிவிட்டு, கூகுள் பிளே ஸ்டோரிலிருந்து புதிதாக மீண்டும் இன்ஸ்டால் செய்யவும்.
உங்கள் தொலைபேசி எண்ணைப் பயன்படுத்தி WhatsApp இல் உள்நுழைய வேண்டும்.
நிறுவலின் போது, ‘Restore’ என்பதை தேர்வு செய்து உங்கள் அரட்டை வரலாறு அனைத்தையும் திரும்பப் பெற மீட்பு செயல்முறையை முடிக்கவும்.
