எங்களுக்கு ஆதரவு தாருங்கள்: இந்திய ரசிகர்களுக்கு நியூஸி. கேப்டன் கடிதம்

இறுதிப் போட்டியில் முதல்முறையாக ஆட வுள்ள எங்களுக்கு உங்களின் ஆதரவினைத் தாருங்கள் என்று கேட்டுக் கொண்டுள்ளார் நியூசிலாந்து அணியின் கேப்டன் மெக்கலம். உலகக் கோப்பை இறுதிப் போட்டியில், நாளை நியூசிலாந்து அணியுடன் ஆஸ்திரேலியா மோதுகிறது. இந்நிலையில் இந்திய ரசிகர்களுக்கு உங்களது ஆதரவைத் தெரிவியுங்கள் என்று ஒரு திறந்த மடலை எழுதியுள்ளார் நியூசிலாந்து கேப்டன் மெக்கல்லம். இந்திய ரசிகர்களுக்கு, பூமா நிறுவனம் வாயிலாக ஒரு கடிதம் எழுதியுள்ளார் மெக்கலம். அதில் உலகக் கோப்பை இறுதிப் போட்டியில், இந்திய ரசிகர்களின் ஆதரவு நியூசிலாந்துக்குதான் கிடைக்கப்போகிறது என்பது தெரிகிறது. இந்திய ரசிகர்களிடம் நியூசிலாந்து வீரர்கள் பெரிதும் எதிர்பார்க்கிறோம். உங்களது ஆதரவை ஒவ்வொரு பந்துக்கும் காட்டுங்கள். உலகக் கோப்பையை வெல்ல வேண்டும் என்ற தாகம், எப்படிப்பட்டது என்பதை உணர்ந்தவர்கள் இந்திய ரசிகர்கள். எங்கள் கிரிக்கெட் அணிக்கு, இது மிகப்பெரிய தருணம். இந்த நேரத்தில், உங்களது ஆதரவை நாங்கள் கேட்கிறோம். உங்களது ஆரவாரம் எங்களுக்கு தேவை என்று மெக்கல்லம் கேட்டுக் கொண்டுள்ளார்.