திருமணத்துக்கு முன் உறவு: காதலர்களை கல்லால் அடித்துக் கொன்ற ஐஎஸ் பயங்கரவாதிகள்

மோசூல்: ஈராக்கில் திருமணத்துக்கு முன் உறவில் ஈடுபட்ட காதலர்களை ஐ.எஸ்.ஐ.எஸ் பயங்கரவாதிகள் கல்லால் அடித்துக் கொடூரமாகக் கொலை செய்துள்ளனர். வடக்கு ஈராக்கில் ஐ.எஸ்.ஐ.எஸ் கட்டுபட்டில் உள்ள மோசூல் நகரில் ஒரு காதல் ஜோடி திருமணத்துக்கு முன் உறவில் ஈடுபட்டதாகக் கூறப்படுகிறது. இதை அறிந்த ஐ.எஸ்.ஐ.எஸ். பயங்கரவாதிகள், 20 வயது முதல் 30 வயதுடைய அந்த ஜோடியைப் பிடித்து வந்து பொதுமக்கள் முன்னிலையில் அவர்களின் கண்களைக் கட்டினர். அப்போது, சுமார் 12 பைகளில் பெரிய கற்களைக் கொண்டு வந்த பயங்கரவாதிகளின் கும்பல், காட்டுமிராண்டித்தனமாக அந்த ஜோடி மீது கற்களை வீசியும், அடித்தும் கொடூரமாகக் கொலை செய்தது.