யூரோ 2020 காலிறுதிப் போட்டிகள்
– முனைவர் கு.வை. பாலசுப்பிரமணியன் –
அரையிறுதியில் பங்கு பெறும் அணிகள்
நேற்று ஜூலை 3ஆம் நாள் யூரோ 2020இல் இரண்டு அரையிறுதி போட்டிகள் நடைபெற்றன.
முதல் போட்டி செக் குடியரசுக்கும் டென்மார்க்குக்கும் இடையில் 2021 ஜூலை 3 ஆம் தேதி இந்திய நேரப்படி 21.30 மணிக்கு பாகு நகரின் ஒலிம்பிக் ஸ்டேடியத்தில் விளையாடப்பட்டது.
இரண்டாவது போட்டி உக்ரைனுக்கும் இங்கிலாந்துக்கும் இடையில் 2021 ஜூலை 4 அன்று இந்திய நேரப்படி அதிகாலை 00.30 மணிக்கு ரோம் நகரின் ஸ்டேடியோ ஒலிம்பிகோவில் நடைபெற்றது.
டென்மார்க் Vs செக் குடியரசு (டென்மார்க் வெற்றி, 2-1)
டென்மார்க் செக் குடியரசை எதிர்த்து 2-1 என்ற கோல் கணக்கில் வெற்றி பெற்று அரையிறுதிக்கு முன்னேறியது. 1992இல் போட்டியை வென்ற பிறகு முதல் முறையாக டென்மார்க் இம்முறைதான் அரையிறுதி ஆட்டத்திற்கு முன்னேறியுள்ளது. தால் தாமஸ் டெலானி மற்றும் காஸ்பர் டோல்பெர்க் ஆகியோர் முதல் பாதியில் கோல் அடித்தனர்.
டென்மார்க் அணி தங்கள் வரலாற்றில் நான்காவது முறையாக அரையிறுதிக்கு வந்துள்ளது. மேலும் இறுதிப் போட்டியில் ஒரு இடத்திற்காக இங்கிலாந்தை வெம்ப்லியில் புதன்கிழமை எதிர்கொள்ளும். நட்சத்திர வீரர் கிறிஸ்டியன் எரிக்சன் அவர்களின் தொடக்கக் குழு நிலை ஆட்டத்தில் இருதய பாதிப்பிற்கு ஆளானதை அடுத்து இது அணிக்கு ஒரு உணர்ச்சிகரமான நேரம்.
பாட்ரிக் ஷிக் செக் குடியரசு அணிக்கு ஒரு கோல் அடித்தார். ஆனால் அந்த அணி ஒரு அற்புதமான ஆட்டத்திற்குப் பிறகு போட்டியில் இருந்து வெளியேறினர். ஜென்ஸ் ஸ்ட்ரைஜர் லார்சன் மூலையில் இருந்து அனுப்பிய பந்தை டெலானி தலையால் தட்டி ஐந்தாவது நிமிடத்தில் முதல் கோலை அடித்தார். 42ஆவது ந்மிடத்தில் காஸ்பர் இரண்டாவது கோலை அடித்தார்.
இங்கிலாந்து vs உக்ரைன்
(இங்கிலாந்து வெற்றி, 4-0)
1996ஆம் ஆண்டுக்குப் பின்னர் இங்கிலாந்து முதல் முறை இந்த சாம்பியன்ஷிப் அரையிறுதிக்கு வந்துள்ளது. உக்ரைனை 4-0 என்ற கோல் கணக்கில் வீழ்த்தியுள்ளது. ஹென்றி கேன் இரண்டு முறை கோல் அடித்தார். டென்மார்க்குடன் அரையிறுதி மோதலைஇங்கிலாந்து அணி சந்திக்கிறது. 2004ஆம் ஆண்டுக்குப் பிறகு ஒரு யூரோ போட்டியில் இங்கிலாந்து தனது முதல் கோலை முதல் நான்கு நிமிடத்திற்குள் போட்டுள்ளது, ஸ்டேடியோ ஒலிம்பிகோவில் இங்கிலாந்து கேப்டன் ரஹீம் ஸ்டெர்லிங் தந்த பந்து ஒன்றை கோலடித்து கணக்கைத் தொடங்கினார்.
இரண்டாவது பாதியில் 46ஆவது நிமிடம் ஹாரி மாகுவேர் ஒரு கோலடித்தார். உக்ரேனின் எதிர்ப்பு நொறுங்கியதால் கேன் விரைவில் தனது அணியின் மூன்றாவது கோலைப் போட்டார். அதன் பின்னர் 63ஆவது நிமிடத்தில் ஜோர்டான் ஹென்டர்சன் தனது முதல் சர்வதேச கோலைப் போட்டு இங்கிலாந்தை வசதியாக அரையிறுதிக்கு அனுப்பினார்.
பாக்குவில் டேன்ஸ் செக் குடியரசை 2-1 என்ற கோல் கணக்கில் வீழ்த்தியதால் அரையிறுதிப் போட்டியில் கரேத் சவுத்கேட்டின் அணி டென்மார்க்கை புதன்கிழமை வெம்ப்லியில் எதிர்கொள்ளும்.
இனி அரையிறுதி ஆட்டங்கள்
முதல் அரையிறுதி ஆட்டம் ஜூலை 7ஆம் நாள் இந்திய நேரப்படி அதிகாலை 0030 மணிக்கு லண்டனின் வெம்ப்லியில் இத்தாலி மற்றும் ஸ்பெயினுக்கு இடையே நடைபெறும்,
இரண்டாவது அரையிறுதி இங்கிலாந்து மற்றும் டென்மார்க் இடையே ஜூலை 8ஆம் நாள் இந்திய நேரப்படி அதிகாலை 0030 மணிக்கு அதே லண்டனின் வெம்ப்லி மைதானத்தில் நடைபெறும்.