தற்கொலை செய்த நெல்லை வேளாண் அதிகாரி டைரியை வைத்து சி.பி.சி.ஐ.டி. போலீசார் விசாரணை

நெல்லை: நெல்லை வேளாண் துறையில் உதவி செயற்பொறியாளாராகப் பணியாற்றிய திருமால்நகரை சேர்ந்தச் முத்துகுமாரசாமி (57) கடந்த 20ந்தேதி ரயில் முன் பாய்ந்து தற்கொலை செய்து கொண்டார். இந்தச் சம்பவம் குறித்து சி.பி.சி.ஐ.டி. போலீசார் விசாரணை மேற்கொண்டுள்ளனர். சி.பி.சி.ஐ.டி. எஸ்.பி. அன்பு தலைமையிலான போலீஸ் அதிகாரிகள் நெல்லையில் முகாமிட்டு முத்துகுமாரசாமியின் உறவினர்கள், அலுவலகப் பணியாளர்கள், பணி நியமனம் செய்யப்பட்ட ஓட்டுநர்கள் ஆகியோரிடம் விசாரணை நடத்தினர். மேலும், முத்துகுமாரசாமியின் டைரியைக் கைப்பற்றி, அதில் முத்துக்குமாரசாமி எழுதிவைத்துள்ள பண விவகாரம் குறித்த தகவல்கள், அலுவலகக் குறிப்புகள், அரசியல் பிரமுகர்களின் பெயர்கள்ஆகியவை குறித்தும் போலீசார் விசாரணை நடத்தி வருகின்றனர்.