குரு பெயர்ச்சி 2018 – பலன்கள்: மகரம்

இதோ இந்த குரு பெயர்ச்சி, மகர ராசியினரான நமக்கு எத்தகைய பலன்களைத் தரப் போகிறது என்பதை இங்கே பார்ப்போம்...

குரு பெயர்ச்சி பலன்கள் 2018 – 2019: குரு பகவான் நவ கோள்களில் தலையாய இடத்தைப் பெறுகிறார்.

குரு பார்க்க கோடி நன்மை என்பது சத்திய வாக்கு. அவரது பார்வை பட்டாலே ஜாதகன் சிறப்பாக இருப்பான் என்பதால், நாம் குரு பெயர்ச்சியை ஒட்டி, நமது ராசிக்கு குரு பகவான் எத்தகைய பலன்களைத் தரப் போகிறார் என்பதை அறிந்து கொள்ள மிகுந்த ஆவலுடன் காத்திருப்போம்.

இதோ இந்த குரு பெயர்ச்சி, மகர ராசியினரான நமக்கு எத்தகைய பலன்களைத் தரப் போகிறது என்பதை இங்கே பார்ப்போம்…


மகர ராசி :

உத்திராடம் 2,3,4, திருவோணம், அவிட்டம் 1,2 பாதம் முடிய

75/100

எதிலும் கொஞ்சம் சுலோவாக இருக்கும் மகரராசி அன்பர்களே!

குருபகவான் 11 இடத்துக்கு செல்வது மிக சிறப்பான் பலனை தரும் ஏழரை சனியின் தாக்கம் குரு பத்தில் இருந்து உத்தியோகத்தில் சிரமம் ராகு 7லும் கேது செவ்வாய் ஜென்மத்திலும் இருந்து கொண்டு இதுவரை குடும்ப பிரச்சனை மன அழுத்தம் போன்றவற்றை தந்தது அடுத்த ஒரு வருடம் கிரஹ சூழல்கள் மிகுந்த சாதகமாக இருக்கிறது.

பிப்ரவரி 2019ல் ராகு 6க்கும் கேது 12க்கும் செல்வதும் மிகுந்த நல்ல பலன்களை தரும் முயற்சிகளில் இனி வெற்றி உண்டாகும். இதுவரை இருந்துவந்த தடைகள் விலகி சனியால் ஏற்பட்ட பின்னடைவுகள் நீங்கி எதிலும் நல்ல நிலை என்று இருக்கும்.

பண வரவு தாராளம் வீடு வாங்குவது முதலீடு செய்வது போன்ற முடிவுகள் எடுக்க வேண்டும் எனில் அருகில் உள்ள ஜோதிடரிடம் உங்கள் ஜாதகத்தை காட்டி அவர் ஆலோசனை படி செய்யுங்கள்.

குரு பெயர்ச்சி பலவித நல்ல பலன்களையும் குடும்ப ஒற்றுமை இல்லத்தில் சுப நிகழ்வுகள் ஆடை ஆபரண சேர்க்கை வீடு நிலம் வாங்குதல் போன்றவை நடக்கும்.

உடல் ஆரோக்கியம் : கடந்த வருடம் 7ல் இருந்த ராகு ஜென்மத்தில் கேது மற்றும் தற்போது இருக்கும் செவ்வாய் ஆகியவற்றால் பலத்த உடல் நல குறைவு அறுவைசிகிச்சை தேவை படும் நிலை அல்லது அவ்வப்போது மருத்துவ செலவுகள் என்று இருந்த நிலை மாறி தற்போது குரு பகவான் 11ல் சஞ்சரிக்க 7ம் வீட்டை 9ம் பார்வையாக பார்க்க நோய்கள் அகன்று விரைவில் பூரணமான நிலையை அடைவீர்கள் குடும்பத்தில் உள்ளோருடைய உடல் நிலையிலும் நல்ல முன்னேற்றம் இருக்கும். தற்போது அறுவை சிகிச்சை தேவைப்படுபவர்கள் நவம்பர் 6, 2018 வரை காத்திருத்தல் நலம் தரும். மேலும் பிப்ரவரி 2019ல் ராகு கேது பெயர்ச்சியும் மிகுந்த சாதகத்தை தரும். பொதுவாக உடல் ஆரோக்கியம் மிக நன்றாக இருக்கும்.

குடும்பம் மற்றும் உறவுகள் : கடந்த ஏப்ரல் 2018 முதல் கேது செவ்வாய் சேர்க்கையால் குடும்பத்தில் பல பிரச்சனைகள் இருந்து வந்திருக்கும், சிலர் குடும்பத்தை விட்டு பிரிந்து இருக்கலாம் சிலர் குடும்பத்தினருடன் வழக்குகள் இருந்திருக்கலாம் அவை யாவும் தற்போது மாறி ஒரு நல்ல சூழல் உண்டாகும் கணவன் மனைவிக்குள் ஒற்றுமை பெருகும். பிள்ளைகள் சொல்பேச்சு கேட்பர், சகோதர வகையில் இருந்துவந்த வேற்றுமை மாறி ஒற்றுமை உண்டாகும், உங்களுக்கு இருக்கும் வழக்குகளில் சாதகமான தீர்ப்பு வரும், குடும்பத்தினருடன் அதிக நேரம் செலவிடுவீர்கள் பிரிந்தவர்கள் மீண்டும் ஒன்று கூடி மகிழ்ச்சியுடன் வாழ்வார்கள். குடும்பத்தில் சுப நிகழ்வுகளால் ஒற்றுமையும் அன்பும் பெருகி நல்ல நிலை உண்டாகும். உறவினர்களிடம் மதிப்பும் மரியாதையும் பெருகும். பிப்ரவரி 2019க்கு பின் நல்ல ஏற்றம் இருக்கும். உறவினர்கள் நெருங்கி வந்து ஆலோசனை பெறுவர் உதவுவார்கள்.

உத்தியோகஸ்தர்கள் : பதவி உயரும், சம்பளம் கூடும் என்பது உறுதி, வேலையில் சந்தோஷம் நீடிக்கும். புதிய வீடு வாகனம் வாங்கும் யோகம் சிலருக்கு கிடைக்கும். அயல்நாட்டு உத்தியோகம் சிலருக்கு உண்டாகும். வேலை பளுவும் அலைச்சலும் கூடவே இருக்கும். இருந்தாலும் கடந்த காலத்தை விட இனி உத்தியோகத்தில் நல்ல நிலை உண்டாகும் முதலாளியிடம் பாராட்டும் சன்மானமும் கிடைக்கும். விரும்பிய இடமாற்றம் உண்டாகும்.

தொலதிபர்கள்/வியாபாரிகள் : தொழில் வளர்ச்சி அடையும் அதிக லாபம் உண்டாகும். அயல் நாட்டு வர்த்தகம் செய்வோருக்கு இது சிறப்பான காலமாகும். அரசாங்க அனுகூலம் உண்டாகும். பங்குகளில் இரட்டிப்பு வருமானம் உண்டாகும். எதிரிகள் தொல்லை இருக்கும் கடும் முயற்சியில் சமாளிப்பீர்கள். புதிய முதலீடுகளை தயக்கமின்றி செய்வீர்கள் அதில் அதிக லாபம் இருக்கும்.

கலைஞர்கள் : சில சமயம் கடுமையாக உழைக்க வேண்டி இருக்கும் புதிய ஒப்பந்தங்கள் பண வரவை அதிகரிக்க செய்யும் பெயர் புகழ் பாராட்டு கிடைக்கும். பிப்ரவரி 2019 முதல் பெரிய வளர்ச்சி இருக்கும் பண வரவு தாராளமாக இருக்கும் சேமியுங்கள்.

அரசியல்வாதிகள் : ஆளும் கட்சியாய் இருப்போருக்கு பதவியில் மிக உயர்ந்த நிலை இருக்கும். தொண்டர்களும், கட்சி மேலிடமும் பாராட்டும்படி செய்கைகள் இருக்கும். மற்ற கட்சியினருக்குப் பதவி நிச்சயம். புகழ் பெருகும். அதேநேரம் கொஞ்சம் கடுமையாக உழைக்க வேண்டி இருக்கும்.

விவசாயிகள் : மழை மகசூலை அள்ளிக்கொடுக்கும், புதிய இன பயிர்வகையால் அதிக லாபம் உண்டாகும். நிலம் வாங்கும் யோகம் உண்டாகும், கால்நடையால் அதிக நன்மை விளையும். வழக்குகள் சாதகமாகும். அக்கம்பக்கத்தாரோடு விவாதம் வேண்டாம். வழக்குகளில் மெத்தனம் வேண்டாம்.

மாணவர்கள் : நல்ல நிலை படிப்பில் அதிக அக்கறை செலுத்துவர், நல்ல மதிப்பெண் பெறுவர், விரும்பிய பாட திட்டத்தில் சேரலாம். போட்டி பந்தயங்களில் வெற்றி நிச்சயம். பலரின் நன்மதிப்பை பெறுவீர்கள். ஆசிரியர் வழிகாட்டுதல்படி நடப்பது நலம் தரும்.

பெண்கள் : குடும்பத்தில் குதூகலம் அதிகரிக்கும், திருமணமாகாத பெண்களுக்குத் திருமணம் கைகூடி வரும். சுப நிகழ்வுகளால் மனம் மகிழ்ச்சியாய் இருக்கும். புதிய ஆடை ஆபரண சேர்க்கை வீடு வாகன யோகங்கள் உண்டாகும். வேலைக்குச் செல்லும் பெண்களுக்கு சம்பள உயர்வுடன் பதவியும் உயர்ந்து உற்சாகம் தரும்.

வணங்க வேண்டிய தெய்வமும் நற்செயல்களும் : அருகில் உள்ள ராமர் கோவிலுக்கு செல்லுங்கள், ராமநாமத்தைத் சொல்லுங்கள் ஆஞ்சநேயருக்கு வெற்றிலை மாலை அல்லது சனிக்கிழமைகளில் சாற்றுங்கள், ஒருமுறை வெண்ணை சாற்றுங்கள். லக்ஷ்மீக்கு விளக்கேற்றுங்கள் முடிந்தவரை அன்னதானம் செய்யுங்கள், தான தர்மங்களை நிறைய செய்யுங்கள்


குரு பெயர்ச்சி பலன்கள் – 2018-19 கணித்து வழங்குபவர்… 
லக்ஷ்மீ ந்ருஸிம்ஹாச்சாரி
ஸ்ரீசார்வபௌம ஜோதிட நிலையம்
FG,II block , Alsa Green Park ஹஸ்தினாபுரம் மெயின் ரோடு நேரு நகர், குரோம்பேட்டை, Near MIT Gate Phone : 044-22230808
Skype / Whats app : 8056207965
Email.: [email protected]
Contact Timings for fixing appointment –
6 AM to 8 AM & 8.30 PM to 10 PM


Donate with
Support us! We are in the path of protecting our Hindu dharma and our Nation! Please consider supporting us to run this for our 'Dharma'.
Loading...