மேஷம் (பிலவ – மாசி மாத பலன்கள்)

ப்லவ வருடம் மாசி மாத ராசி பலன்கள்
(12.2.2022 முதல் 13.03.2022 வரை)

ப்லவ வருடம் மாசி மாத ராசி பலன்கள் (12.02.2022 முதல் 13.03.2022 வரை) புஷ்யபக்ஷ அயனாம்ஸப்படி  மாசி மாதம் ஒரு நாள் முன்னதாக துவங்குகிறது

வருகிற 12.02.2022 நள்ளிரவு 12:23:6 மணிக்கு சூரியபகவான் மகர ராசியில் இருந்து  கும்ப ராசிக்கு பெயர்ச்சி ஆகிறார். அவர் கும்ப ராசியில் 13.03.2022 இரவு 08:49:01 மணி வரை சஞ்சரிக்கிறார்.

இது புஷ்யபக்ஷ அயனாம்ஸத்தை ஒட்டி ஜகந்நாத் ஹோரா கணித பஞ்சாங்கப்படி கணிக்கப்பட்டது. 

வாக்கியப்படி 13.0.2022 அதிகாலை 04.13 மணிக்கு (உதயாதி 55.37 நாழிகைக்கு) கும்ப ராசிக்கு பெயர்ச்சிஆகிறார்.

ஒவ்வொரு ராசிக்குமான பலன்கள் புஷ்ய பக்ஷ அயனாம்ஸ பஞ்சாங்கப்படி கொடுக்கப்பட்டு இருக்கிறது.

உங்கள் பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்தல் சரியாக வரும்.

கோச்சார கிரஹ நிலைகள்

கிரஹ பாத சாரங்கள் : மாசி மாத பிறப்பின் போது

லக்னம் – விருச்சிகம் – விசாகம் – 4
சூரியன் –  கும்பம் – அவிட்டம் – 3
சந்திரன் – மிதுனம் – மிருகசீரிடம் – 4
செவ்வாய் – தனூர் – பூராடம் – 3
புதன் –  மகரம் – உத்திராடம் – 3
வியாழன் – கும்பம் –  சதயம் – 4
சுக்ரன் –  தனூர் –  பூராடம் – 3 
சனி – மகரம் – அவிட்டம் – 1
ராகு – ரிஷபம் – கிருத்திகை – 3
கேது – விருச்சிகம் – அனுஷம் – 1

கிரஹ வலிமைகள் :

மிக வலுவான கிரஹம் சுக்ரன்,  வலுவான கிரகம் :  குரு, சனி

சூரியன், புதன், ராகு,கேது, செவ்வாய் இவை மத்ய பலனை கொடுக்கும்

இவை மாதம் பிறக்கும் போது உள்ள நிலை. ஒவ்வொரு கிரஹமும் அந்த மாத்தத்தில் சஞ்சார நிலை கொண்டு வலிமை மாறுபடும்

இவற்றை கணக்கில் கொண்டு பலன் சொல்லப்படுகிறது. மேலும் ஜாதகர் பிறப்பு லக்னத்தை ஒட்டி பலன் சொல்லப்படுகிறது உதாரணமாக மேஷ ராசி ஜாதகர் கடக லக்னத்தில் பிறந்தால் கடகராசி பலனும் அவருக்கு பொருந்தும். உங்களது பிறந்த லக்னம் தெரிந்தால் அந்த ராசிக்கான பலனையும் சேர்த்து பார்த்து அறியவும்.

பொது பலன்:

பாரத தேசம் & தமிழகம் பொருத்தவரை:  
சுக்ரன் வலு அதனால் கலைத்துறை, வங்கி பணம் புழங்கும் இடம், ஆடை ஆபரண உற்பத்தி & விற்பனை, போன்றவை நல்ல முன்னேற்றம் பெறும். அன்னியர்களிடம் தேசத்தின் மதிப்பு கூடும். அரசர்களுக்குள் உண்டாகும் சண்டை மக்களிடம் அச்சத்தை ஏற்படுத்தும். பொதுவாக விவசாயம், கல்வி துறைகள் சிரமத்துக்குள்ளாகும். விரோதிகளின் கை ஓங்கியது போல தெரியும், செவ்வாய் மகரத்தில் சஞ்சரிக்கும் 26.02.2022 முதல் ஓரளவு நன்மை உண்டாகும். தமிழகத்தில் குழப்பங்கள் நீங்கி ஓரளவு நன்மை உண்டாகும். மத்தியில் ஆளும் ஆட்சி தங்களது நோக்கங்களை நிறைவேற்றும் போது உலக அரங்கில் வரவேற்பை பெற்றாலும் பொருளாதார தேக்கத்தினால் மக்கள் விரக்தி அடைவர் நாட்டில் சலசலப்பு இருந்து கொண்டிருக்கும். பொதுவில் பெரிய ஆபத்துகள் இல்லை எனினும் மக்களிடம் பயம் கலந்த ஒரு நிலை இருந்து கொண்டிருக்கும்.

மாத ராசிபலன் கணிப்பு :
லக்ஷ்மீ ந்ருஸிம்ஹாச்சாரி, ஜோதிடர்,
ஸ்ரீஅக்ஷயா வேதிக் அஸ்ட்ரோ ரிசர்ச் பௌண்டேஷன்
D1-304, Block D1, Dhakshin Appartment
Siddharth Foundation, Iyyencheri Main Road,
Urappakkam – 603210, Kancheepuram Dist
Land Line : 044-35584922 | 8056207965 (வாட்ஸப்)
Email ID : mannargudirs1960@hotmail.com

மேஷம் (அஸ்வினி 4 பாதம், பரணி 4 பாதம், கார்த்திகை 1பாதம் முடிய) :

மேஷராசிக்கதிபதி செவ்வாய் 2,7க்குடைய சுக்ரனும் 9 & 10ல் ஒன்றாக பயணிக்கின்றனர். பணப்புழக்கம் தாராளம், தொழில் உத்தியோகம் ஜீவனத்தில் நல்ல முன்னேற்றம் ஏற்படும். மேலும் செவ்வாய் தன் வீடு (மேஷம்) , 4,5 இடங்களையும் பார்ப்பது நிம்மதியான ஒரு நிலை, பெயர் புகழ் உயருதல் எண்ணியிருந்த திட்டங்கள் நிறைவேறும் காலம், மேலும் கடந்த காலங்களில் தாமதமாகி கொண்டிருந்த திருமணம் குழந்தை பாக்கியம் போன்றவை அமைய வாய்ப்பும் உண்டாகும். இல்லத்தில் குதூகலம், வெளியூர் யாத்திரை ஆடை ஆபரண சேர்க்கை, தாமதமாகி கொண்டிருந்த பதவி சம்பள உயர்வுகள் தொழில் விரிவாக்கம், மற்ற வழியில் ஜீவனம் முன்னேற்றம் என நன்றாகவே இருக்கும். இருக்கும் ஏரியாவில் தொழில் செய்யும் இடம் போன்ற எங்கும் நல்ல பெயர் இருக்கும். பொதுவில் நன்மை அதிகம் இருக்கும் அதேநேரம் ராசிக்குண்டான பலனை 2ல் இருக்கும் ராகு தருவது வாழ்க்கை துணைவர் வகையில் மருத்துவ செலவுகள், குடும்பத்தில் சலசலப்பு, சிறு சிறு சண்டைகள் என்றும் இருந்து கொண்டிருக்கும். விட்டுக்கொடுத்து செல்வது நல்லது. 9க்குடைய குரு லாபத்தில் பெற்றோர் வகையில் ஆதாயம் உண்டு. மனோ திடம் கூடும். விரோதங்கள் மறையும் 10க்குடைய சனி ஆட்சி தொழிலில் முன்னேற்றம் இருக்கும் விரும்பிய இடமாற்றம் வெளியூர் வேலை என்று சிலருக்கு அமையும். பெண்கள் மூலம் பலன் உண்டாகும். பொதுவில் இந்த மாதம் நன்றாக இருக்கும்.

அஸ்வினி சந்திராஷ்டமம்: 23.02.2022 பிற்பகல் 12.43 மணி முதல் 24.02.2022 காலை 11.34 மணி வரை

பரணி சந்திராஷ்டமம்: 24.02.22 காலை 11.34 மணி முதல் 25.02.2022 காலை 10.12 மணி வரை

கார்த்திகை 1ம் பாதம் சந்திராஷ்டமம்: 25.02.2022 காலை 10.12 மணி முதல் 26.02.2022 காலை 08.17 மணி வரை

வணங்கவேண்டிய தெய்வம் & நற்செயல்கள் : அம்பாள், வடிவுடையம்மன், லக்ஷ்மி தாயார் வழிபாடு , கோயில் தாயார் சன்னதியில் விளக்கேற்றுதல, நாம ஸ்மரணை செய்தல், முடிந்த அளவு தான தர்மம் செய்தல் நன்மை தரும்.