October 18, 2021, 1:21 pm
More

    ARTICLE - SECTIONS

    2020 ஆண்டு பலன்: கடகம்

    rasi katakam - 1

    கடக ராசி
    கால புருஷ தத்துவத்தின்படி நாலாவது ராசி கடக ராசி. இந்த ராசிக்கு குரு பகவான் ஆறாமிடத்தில் ஆட்சியாக இருக்கிறார் இதனால் இவர்களுக்கு உடல் ரீதியான சில பிரச்சனைகளும் மன ரீதியான சில பிரச்சினைகளும் வர வாய்ப்புகள் உண்டு. இவர்களுக்கு சில எதிரிகளும் இந்த ஆண்டு தென் படக்கூடும்.

    வருகிற ஜனவரி மாதம் இறுதியில் சனியானவர் ஏழாமிடத்தில் ஆட்சியாக உள்ளார், இதனால் இந்த ராசியில் உள்ளவர்களுக்கு கணவன் மனைவியிடையே சில பிரச்சினைகள் வரக்கூடும்.
    ஏழாமிடத்தில் சனி ஆட்சி பெற்று ராசியை பார்ப்பதால் திருமணத்தடைகள் வர வாய்ப்புண்டு.

    தொழில் செய்பவர்கள் இடையே சில குழப்பங்களும் பிரச்சினைகளும் சில கருத்து வேறுபாடுகளும் வரக்கூடும். அதனால் தொழில் செய்பவர்களுக்கு இந்த ஆண்டு பெரிய பலன் தராது. கடக ராசியை பொறுத்தவரை, இந்த குருப்பெயர்ச்சி மற்றும் வருகிற சனிப்பெயர்ச்சி அந்த அளவுக்கு பயனளிக்காது.

    இதுநாள் வரை 12ம் இடமான விரய ஸ்தானத்தில் அமர்ந்திருந்த ராகு பகவான் வருகிற ஆண்டு இறுதியில் ரிஷப ராசியான லாப ஸ்தானத்திற்கு செல்வதால் இந்த ராசியினருக்கு நல்ல லாபம் கிடைக்கக்கூடும். தற்போது குரு ராசியின் பன்னிரெண்டாம் இடத்தை நேராக பார்ப்பதால் செலவுகள் கட்டுக்குள் வரக்கூடும்.

    குரு தனது ஐந்தாம் பார்வையால் ராசியின் பத்தாம் இடத்தைப் பார்ப்பதால் வேலை இல்லாதவர்களுக்கு நல்ல வேலை கிடைக்க வாய்ப்புண்டு. அதுபோல வேலையில் இருப்பவர்களுக்கு உன்னதமான நிலை வரக்கூடும். குரு தனது 9ம் பார்வையால் ராசியின் இரண்டாம் இடத்தை பார்ப்பதால் குடும்பத்தில் நல்ல மகிழ்ச்சி உண்டாகும்.

    குடும்பத்திற்கு தேவையான பொருளாதார வசதிகள் பெருக்கிக்கொள்ள நல்ல வாய்ப்பு உண்டு. கடக ராசியில் உள்ள மாணவர்களுக்கு ஆண்டு முற்பகுதியில் நல்ல முன்னேற்றம் இருந்தாலும் ஆண்டு இறுதியில் சுமாரான பலன்களே கிடைக்கும். இருந்தாலும் உயர்கல்வி படிக்க கூடிய மாணவர்களுக்கு இந்த ஆண்டு நல்ல பலனே கிடைக்கும்.

    இந்த கிரக நிலைகள் எல்லாம் வைத்து பார்க்கும்போது இந்த 2020ஆம் ஆண்டு கடக ராசியை பொறுத்த வரைக்கும் சுமார் 70 லிருந்து 75 சதம் வரை நல்ல பலன் கிடைக்கும்.

    இந்த ராசியின் பலாபலன்களை அறிய கீழே கொடுக்கப்பட்டுள்ள லிங்கை கிளிக் செய்து பார்க்கவும்.

    நம் தினசரி இணைய வாசகர்களுக்காக…. 2020 ஆம் ஆண்டு புத்தாண்டு பலன்களை கணித்துத் தந்திருப்பவர் ஜோதிடர் கி.சுப்பிரமணியன்!

    கி. சுப்பிரமணியன், ஜோதிட கலையை தமது தந்தையார் கிருஷ்ணன் ஐயரிடம் இருந்தும், பாலக்காட்டில் மிகப் பிரபல ஜோதிடராக விளங்கிய தமது மாமா மணி ஐயரிடமும் சிறிய வயதிலேயே கற்றுக்கொண்டவர்.

    ஜோதிட நுணுக்கங்களை மற்றவர்களுடன்பகிர்ந்து கொள்வதற்காக, யூடியூபில் (Youtube) சேனல் தொடங்கி நடத்தி வருகிறார். ஆன்மிக இதழ்கள், இணையதளங்களில் ஜோதிடக் குறிப்புகள், ராசிபலன்களை எழுதி வருகிறார்.

    ஜோதிடர் கி. சுப்பிரமணியன்
    தொடர்பு எண்: 8610023308
    மின்னஞ்சல் முகவரி : [email protected]

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    Latest Posts

    spot_imgspot_img

    Follow Dhinasari on Social Media

    18,140FansLike
    366FollowersFollow
    38FollowersFollow
    74FollowersFollow
    1,562FollowersFollow
    0SubscribersSubscribe
    -Advertisement-