ரூபாய் நோட்டுகளில் கிறுக்கினாலும் செல்லும்; ஆனா கிறுக்காதீங்க

மும்பை:

ரூபாய் நோட்டுகளில் கிறுக்கியோ எழுதியோ இருந்தால் ஜன. 1 முதல் செல்லாது என சமூக ஊடகங்களில் அதிகம் வெளியாகி பொதுமக்களை ஒரு தகவல் அதிர்ச்சிக்கு உள்ளாக்கி வருகிறது. இதனால், இப்போதிருந்தே கிறுக்கல் நோட்டுகளை பொதுமக்கள் வாங்குவதைத் தவிர்த்து வருகின்றனர். இதனால் பலருக்கு சிக்கல் எழுந்துள்ளது.
இந்நிலையில், இந்தத் தகவல்களை ரிசர்வ் வங்கி ஆளுநர் ரகுராம் ராஜன் மறுத்துள்ளார். கிறுக்கல் ரூபாய் நோட்டுகள் செல்லும். அவை பணப் பரிவர்த்தனையில் இருக்கும். எந்தப் பிரச்னையும் இல்லை. இருந்தாலும் ரூபாய் நோட்டுகளில் எழுதுவதைத் தவிர்த்திடுங்கள். அவற்றின் பயன்பாட்டு காலம் குறைவதுடன் நோட்டுகள் சேதமடைகின்றன என வேண்டுகோள் விடுத்துள்ளார்.