ஆரோக்கிய சமையல்: கேபேஜ் பச்சை பயிறு வடை!

பேக்டு கேபேஜ் பச்சைபயிறு வடை

தேவையான பொருட்கள் :

·முட்டைகோஸ் – 1/4 கிலோ

·பச்சைபயிறு – 1 கப் ( 3 மணி நேரம் ஊறவைக்கவும்)

எண்ணெய் – சிறிதளவு

சேர்க்க வேண்டிய தூள் வகைகள் :

· மஞ்சள் தூள் – 1/4 தே.கரண்டி

· மிளகாய் தூள் – 1 தே.கரண்டி

· தனியா தூள் – 1/2 தே.கரண்டி

· சீரகதூள் – 1/4 தே.கரண்டி

· உப்பு – தேவையான அளவு

செய்முறை :

· பச்சைபயிறினை சுமார் 3 மணி நேரம் ஊறவைத்து கொள்ளவும். முட்டைகோஸினை பொடியாக நறுக்கி வைக்கவும்.

· ஊறவைத்த பச்சைபயிறினை மிக்ஸியில் போட்டு ஒன்றும்பாதியுமாக அரைத்து கொள்ளவும். ஒவனை முற்சூடு செய்யவும்.

· கடாயில் 1 தே.கரண்டி எண்ணெய் ஊற்றி வெட்டி வைத்துள்ள முட்டைகோஸ் + அரைத்த பச்சைபயிறு + தூள் வகைகள் சேர்த்து 5 – 6 நிமிடங்கள் வதக்கி சிறிது நேரம் ஆறவைக்கவும்.

· இதனை சிறிய சிறிய வடைகளாக தட்டி, அவன் ட்ரேயில் அடுக்கி , அதன்மீது சிறிது எண்ணெயினை Spray செய்யவும். மூற்சூடு செய்யபட்ட ஒவனில் 10 நிமிடங்கள் வேகவிடவும்.

· ஒருபக்கம் நன்றாக வெந்தபின் ட்ரேயினை வெளியில் எடுத்து வடைகளை திருப்பிவிடவும்.

· திரும்பவும் ட்ரேயினை அவனில் மேலும் 5 நிமிடங்கள் வைக்கவும்.சுவையான சத்தான வடை ரெடி.

கவனிக்க:

முட்டைகோஸினை சிறிது வதக்கினால் தான் வடை நன்றாக வரும்.

முட்டைகோஸினை வதக்குவதால் வடையாக தட்ட எளிதில் வரும். தண்ணீர் சேர்க்க வேண்டாம்.