வேர்க்கடலை – வெங்காயக் குழம்பு
தேவையானவை:
வேகவைத்த வேர்க்கடலை – அரை கப்,
தோலுரித்த சின்ன வெங்காயம் – அரை கப்,
புளிக்கரைசல் – தேவையான அளவு,
மஞ்சள்தூள் – ஒரு சிட்டிகை,
சாம்பார் பொடி – 2 டீஸ்பூன்,
கடுகு, வெந்தயம் – தலா கால் டீஸ்பூன்,
காய்ந்த மிளகாய் – ஒன்று,
இஞ்சி – பூண்டு விழுது – ஒரு டீஸ்பூன்,
வெல்லம் – சிறிதளவு,
கறிவேப்பிலை – சிறிதளவு,
நல்லெண்ணெய் – 50 கிராம்,
உப்பு – தேவையான அளவு.
செய்முறை:
வாணலியில் எண்ணெய் விட்டு கடுகு, வெந்தயம், காய்ந்த மிளகாய், இஞ்சி – பூண்டு விழுது, கறிவேப்பிலை தாளித்து, சின்ன வெங்காயம் சேர்த்து வதக்கவும். வதங்கியபின் உப்பு, மஞ்சள் தூள், சாம்பார் பொடி, புளிக்கரைசல், வெல்லம், வேர்க்கடலை சேர்த்து நன்கு கொதிக்கவிட்டு இறக்கவும்.
