தில்லி ஆட்சி பீடத்தில் துடைப்பத்தை வெச்சிட்டாய்ங்களே!

தில்லி மக்கள் ஆட்சி பீடத்தில் தாமரையை வைக்காமல், துடைப்பத்தை வைத்துவிட்டனர் என பாஜக., மூத்த தலைவர் இல.கணேசன் தெரிவித்துள்ளார்.

தில்லியில் மொத்தமுள்ள 70 தொகுதிகளில் விளக்குமாறு – துடைப்பம் சின்னத்தில் போட்டியிட்ட ஆம்ஆத்மி 62 இடங்களிலும், தாமரை சின்னத்தில் போட்டியிட்ட பாஜக., 8 இடங்களிலும் வெற்றி பெற்றன. இதனால் தொடர்ந்து 3வது முறையாக அரவிந்த் கெஜ்ரிவால் முதல்வராக பொறுப்பேற் கிறார். ஆம்ஆத்மியின் வெற்றிக்கு பல அரசியல் கட்சித்தலைவர்களும் வாழ்த்து கூறி வருகின்றனர்.

இந்நிலையில் பாஜக., மூத்த தலைவர் இல.கணேசன் தில்லி தேர்தல் முடிவுகள் குறித்து கூறியபோது… ஜனநாயகத்தில் தேர்தல் முடிவுகளை ஏற்றுக் கொள்கிறோம். தில்லி தேர்தல் முடிவுகள் பாஜக.,வுக்கு பின்னடைவு இல்லை. கடந்த தேர்தலுடன் ஒப்பிடுகையில் கூடுதல் இடங்களில் பாஜக., வெற்றி பெற்றுள்ளது. ஆட்சியில் இருக்கும் ஆம்ஆத்மி, இலவசங்களை அள்ளிக் கொடுத்துள்ளது. ஆட்சி பீடத்தை ராஜ்ய லட்சுமி என்பார்கள். அந்த பீடத்தில் தில்லி மக்கள் தாமரையை வைக்காமல், துடைப்பத்தை வைத்துள்ளனர் என்று கூறியுள்ளார்.

தில்லியில் …
ஆம் ஆத்மி.,க்கு கிடைத்த வாக்குகள் 49,72,716
பாஜக வாக்குகள் 35,73,204
காங்கிரஸ் 3,95,609 (63 தொகுதிகளில் டெபாசிட் இழப்பு)
இந்திய கம்யூனிஸ்ட் 1,963
மார்க்ஸிஸ்ட் கம்யூனிஸ்ட் 0.01%
நோட்டோ 43,071 –

தில்லியில் பாஜக., செயல்பாடு குறித்து சமூகத் தளங்களில் பதிவான ஒரு கருத்து…