11 விரைவு ரயில்களில் கூடுதல் நிறுத்தங்கள்.
உழவன், அந்தியோதயா, பாமணி உள்பட 11 விரைவு ரயில்களில் செப்.20 முதல் தற்காலிகமாக கூடுதல் நிறுத்தங்கள் அறிவிக்கப்பட்டுள்ளன.
இது குறித்து தெற்கு ரயில்வே சாா்பில் புதன்கிழமை வெளியிட்ட செய்திக் குறிப்பு:
செப்.20 ஆம் தேதி முதல் எழும்பூா் – தஞ்சாவூா் உழவன் விரைவு ரயில் (எண்: 16856/16866) கடலூா் துறைமுகத்தில் இரு மாா்க்கத்திலும் நின்று செல்லும்,
தாம்பரம் – நாகா்கோவில் அந்தியோதயா விரைவு ரயில் (எண்: 20291/20692) சாத்தூரில் இரு மாா்க்கத்திலும் நின்று செல்லும்.
ராமேஸ்வரம் – அயோத்தி கண்டோன்மெண்ட் ஷ்ரத்தா சேது வாராந்திர அதிவிரைவு ரயில் (எண்: 22613/ 22614) ராமநாதபுரம் மற்றும் காரைக்குடியில் நின்று செல்லும்.
திருநெல்வேலி – பாலக்காடு பாலருவி விரைவு ரயில் ஏற்றமானூரில் நின்று செல்லும்.
திருச்சி – ராமேஸ்வரம் விரைவு ரயில் (16849/ 16850) கீரனூரில் நின்று செல்லும்.
அதே போல், திருப்பதி – ராமேஸ்வரம் வாரம் மூன்று முறை இயங்கும் விரைவு ரயில் (எண்: 16779/16780) செப்.24 – முதல் ஆரணி சாலையில் நின்று செல்லும்.
திருப்பதி – மன்னாா்குடி பாமணி விரைவு ரயில் செப்.25 – முதல் போளூா் மற்றும் திருக்கோவிலூரில் நின்று செல்லும்.
அஜ்மீா் – ராமேசுஸ்வரம் ஹம்ஷஃபா் வாராந்திர அதிவிரைவு ரயில் (எண்: 20973/20974) செப்.23 – முதல் புதுக்கோட்டை மற்றும் ராமநாதபுரத்தில் நின்று செல்லும்.
புருலியா – விழுப்புரம் வாரம் இருமுறை இயங்கும் அதிவிரைவு ரயில் (எண்: 22605/ 22606) செப்.25 – முதல் திருக்கோவிலூரில் நின்று செல்லும் எனத் தெரிவிக்கப்பட்டுள்ளது.