இரண்டு நாள் பயணமாக பிரதமர் நரேந்திர மோடி ஜப்பான் புறப்பட்டுச் சென்றார். ஜப்பானில் 2 நாட்கள் அரசு முறை பயணம் மேற்கொள்ளும் பிரதமர் மோடிக்கு, டோக்கியோவில் இருந்து சுமார் 110 கி.மீ., தொலைவில் ஃப்யூஜி மலை உச்சியில் உள்ள தமது விடுமுறைக்கால பண்ணை இல்லத்தில் அந்நாட்டு பிரதமர் ஷின்சோ அபே விருந்தளிக்கவுள்ளார்.
இந்தியா – ஜப்பான் இடையிலான ஆண்டுக் கூட்டத்தின்போது, இருதரப்பு உறவுகளை மேம்படுத்துவது குறித்தும், இந்தோ-பசிபிக் கடல் பகுதியில் சீனாவின் ஆதிக்கத்தைக் கண்காணிப்பது குறித்தும் இரு தலைவர்களும் விவாதிக்க உள்ளனர்.
பிரதமர் மோடியின் ஜப்பான் பயணத்தின் போது, பொருளாதார வளர்ச்சி தொடர்பான முக்கிய ஒப்பந்தங்களும் கையெழுத்தாக இருப்பதாக மத்திய அரசு தெரிவித்துள்ளது.
