பதான்கோட் தாக்குதல்: விமானப்படை அதிகாரிகள் 3 பேர் பலி

பதான்கோட்:

பஞ்சாபின் பதான்கோட் நகரில் உள்ள விமான படை தளத்தில் பயங்கரவாதிகள் நடத்திய தாக்குதலில் இந்திய விமான படை அதிகாரி ஒருவர் பலியாகியுள்ளார். இதனால் இந்திய தரப்பில் பலியானவர்களின் எண்ணிக்கை 3 ஆக அதிகரித்துள்ளது.

பதான்கோட் நகரில் இன்று அதிகாலை பயங்கரவாதிகள் தாக்குதல் நடத்தினர். இதற்கு பதில் தாக்குதலை இந்திய விமான படை அதிகாரிகளும் தொடுத்தனர். இந்த மோதலில் 4 பயங்கரவாதிகளும் மற்றும் இந்திய விமான படையை சேர்ந்த 2 அதிகாரிகளும் கொல்லப்பட்டனர். வீரர்களில் 6 பேர் காயமடைந்தனர்.

இந்நிலையில், இந்திய விமான படையின் கமாண்டோ ஒருவர் பலியாகியுள்ளார். இதனால் பலியான படை வீரர்களின் எண்ணிக்கை 3 ஆக அதிகரித்துள்ளது. பயங்கரவாதிகள் தொடர்ந்து தாக்குதல் நடத்தி வருகின்றனர். அந்த பகுதியில் 3 பயங்கரவாதிகள் பதுங்கி இருக்கலாம் என கருதப்படுகிறது. எல்லை பாதுகாப்பு படையினர் மற்றும் பஞ்சாப் போலீசார் விமான படை தளத்தை சுற்றி பாதுகாப்பை பலப்படுத்தியுள்ளனர்.

Donate to Dhinasari News! Independent journalism that speaks truth to power and is free of corporate and political control is possible only when people start contributing towards the same. Please consider donating towards this endeavour to fight fake news and misinformation.