மும்பை: நியூஸிலாந்துக்கு எதிரான 3 போட்டிகள் கொண்ட டெஸ்ட் தொடரில் விளையாடவுள்ள இந்திய கிரிக்கெட் அணி இன்று அறிவிக்கப்பட்டது.
விராட் கோலி தலைமையில் 15 பேர் கொண்ட அணியில் நட்சத்திர வீரர் ரோஹித் ஷர்மா தேர்வு செய்யப்பட்டுள்ளார். ஆனால், ஆல்ரவுண்டரான ஸ்டூவர்ட் பின்னி அணியில் இடம்பெறவில்லை.
இந்திய டெஸ்ட் அணியில், விராட் கோலி, கே.எல். ராகுல், சட்டேஸ்வர் புஜாரா, ரஹானே, முரளி விஜய், ரோகித் ஷர்மா, ஆர். அஸ்வின், விருத்திமான் சாஹா, ரவீந்திர ஜடேஜா, முகமது சமி , இஷாந்த் ஷர்மா, புவனேஷ்வர் குமார், ஷிகர் தவான், அமித் மிஸ்ரா, உமேஷ் யாதவ் ஆகியோர் இடம்பெற்றுள்னர்.
இந்தியாவில் சுற்றுப் பயணம் மேற்கொள்ளும் நியூஸிலாந்து அணி, இந்தியாவுடன் 3 டெஸ்ட் போட்டிகள் மற்றும் 5 ஒரு நாள் போட்டிகளிலும் பங்கேற்க உள்ளது.
இந்தியா – நியூஸிலாந்து இடையேயான முதல் டெஸ்ட் கான்பூரில் 22ம் தேதி துவங்க உள்ளது.
