ஹெச். வினோத் இயக்கத்தில் நடிகர் அஜித் நடித்துள்ள திரைப்படம் வலிமை. யுவன் சங்கர் ராஜா இசையில் உருவான ‘வலிமை’ திரைப்படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது.
இப்படத்தை பிரபல பாலிவுட் தயாரிப்பாளர் போனிகபூர் தயாரித்துள்ளார்.
ஹெச். வினோத் இயக்கத்தில் அஜித் ஏற்கனவே நடித்து வெளியான நேர்கொண்ட பார்வை படத்தையும் போனிகபூரே தயாரித்திருந்தார். மேலும், வலிமைக்கு பின் அஜித் நடிக்கவுள்ள புதிய படத்தையும் அவர்தான் தயாரிக்கவுள்ளார்.
வலிமை படம் அடுத்த ஆண்டு பொங்கல் தினத்தில் வெளியாகும் என ஏற்கனவே அதிகாரபூர்வமாக அறிவிக்கப்பட்டுள்ள நிலையில் தற்போது ரிலீஸ் மற்றும் வியாபாரம் சம்பந்தமான பணிகள் விறுவிறுப்பாக நடைபெற்று வருகிறது.
இந்நிலையில், வலிமை படப்பிடிப்பில் அஜித்தும், போனிகபூரும் பேசிக்கொண்டிருக்கும் வீடியோ வெளியாகி வைரலாகி வருகிறது.
