அமெரிக்க விண்வெளி நிறுவனமான நாசா, அதன் உயர் தொழில்நுட்ப தொலைநோக்கிகள், ஹப்பிள், சந்திரே எக்ஸ்ரே (Chandray Xray) மற்றும் விஞ்ஞானத்தின் உதவியுடன் இந்த நம்பமுடியாத வேற்று கிரக நிகழ்வுகளை புகைப்படமாக எடுத்து, நமது கண்களுக்கு விருந்தளிக்கிறது.
விண்வெளி ஆராய்ச்சியில் முன்னணியில் இருக்கும் விண்வெளி நிறுவனம் நாசா, தனது மற்றொரு மயக்கும் பதிவின் மூலம் அனைவரையும் கவர்ந்துள்ளது.
விண்வெளியில் பொதிந்துக் கிடக்கும் மர்மங்கள் அளப்பரியதாக இருந்தாலும் அவை அழகானவையாக இருக்கின்றன. விண்வெளியின் அனைத்து ரகசியங்களையும் நம்மால் புரிந்து கொள்ள முடியாமல் இருக்கலாம்.
பொதுவாக, நமக்கு தெரிந்தவைகளும், நமது கற்பனைக்கு எட்டியவையும் நம்மை வியப்பில் ஆழ்த்துவதில்லை. ஆனால், அரிதான, நாம் காணாத விஷய்ங்கள், அழகும், மகத்துவமும் நிறைந்ததாக தோன்றுகின்றன. இவை பார்க்கும்போது வித்தியாசமான உணர்வைக் கொடுக்கிறது.
இந்த முறை நாசாவின் நம்பமுடியாத தொலைநோக்கிகளின் தரவுகளை இணைத்து உருவாக்கப்பட்ட பல்வேறு வகையான வெளிச்சச் சிதறல்களின் படங்களை நாசா உங்களிடம் கொண்டு வந்துள்ளது.
வெப்பமான மற்றும் ஆற்றல் மிக்க அண்ட நிகழ்வுகளின் படங்களை வெளியிட்ட, NASA அது குறித்த விளக்கத்தையும் தனது சமூக ஊடகப் பதிவில் குறிப்பிட்டுள்ளது.
முதல் படம் ‘ஆர் அக்வாரி’, இதில் ஒரு வெள்ளை குள்ள நட்சத்திரமும் சிவப்பு ராட்சதமும் ஒன்றையொன்று சுற்றி வருகின்றன.
கிட்டார் நெபுலாவிற்கு கிட்டத்தட்ட செங்குத்தாக ஒரு பல்சரில் இருந்து ஒரு எக்ஸ்ரே ஸ்ட்ரீம் (இளஞ்சிவப்பு நிறத்தில்) வெளியேறுவது இரண்டாவது படத்தில் காணப்படுகிறது, மூன்றாவது படம் ஒன்றிணைக்கும் விண்மீன் திரள்களைக் காட்டுகிறது.
இந்த புகைப்படங்களை பார்க்கும் இணையவாசிகள் பரவசத்தால் மகிழ்கின்றனர்.
