வலிமை படத்தில் அஜித் உடன் பணியாற்றியது குறித்து நடிகை ஹுமா குரேஷி மனம் திறந்துள்ளார்.
அஜித் தற்போது எச்.வினோத் இயக்கத்தில் ‘வலிமை’ படத்தில் நடித்துள்ளார். போனி கபூர் படத்தைத் தயாரித்துள்ளார்.
நேர்கொண்ட பார்வை படத்தை அடுத்து இந்தக் கூட்டணி இரண்டாவது முறையாக வலிமை படத்திற்காக இணைந்துள்ளனர். இப்படத்திற்கு யுவன் ஷங்கர் ராஜா இசையமைத்துள்ளார். பாலிவுட் நடிகை ஹுமா குரேஷி இந்தப் படத்தில் முக்கியக் கதாபாத்திரத்தில் நடித்துள்ளார்.
இந்நிலையில் சமீபத்தில் நடந்த பத்திரிக்கையாளர் சந்திப்பில், நடிகை ஹுமா குரேஷி, ‘வலிமை’ படத்தில் அஜித்துடன் பணிபுரிந்த அனுபவத்தை பகிர்ந்துள்ளார்.
வலிமை படக்குழுவினருடன் பணியாற்றியது மிகவும் உற்சாமாக இருந்ததாகவும், குறிப்பாக நடிகர் அஜித்துடன் நடித்த காட்சிகளை மிகவும் ரசித்ததாகவும் தெரிவித்துள்ளார்.
மேலும், அஜித்துடன் மேலும் பல படங்களில் நடிக்க ஆவலுடன் இருப்பதாகவும் கூறியுள்ளார். அஜித் எளிமையானவர், அடக்கமானவர், தான் ஒரு ஸ்டார் நடிகர் என்ற அந்தஸ்தை பெரிதாக எடுத்துக் கொள்ளாதவர் என்றும், அவர் மிகவும் கனிவான இதயம் கொண்ட ஒழுக்கமான மனிதர் என்பதை உணர்ந்ததாகவும் ஹூமா குரேஷி குறிப்பிட்டுள்ளார்.
நடிகர் அஜித் தன்னை மிகவும் சௌகரியமாக உணர வைத்ததாகவும் இந்தப் படத்தில் நடித்தது ஒரு கற்றல் அனுபவம் என்றும் அது தனது வாழ்க்கையிலும் பிரதிபலிக்கும் என்றும் ஹுமா தெரிவித்துள்ளார். அஜித் உடன் பணிபுரிந்து ஒரு ட்ரீட் என்றும் தெரிவித்துள்ளார்.
வலிமை திரைப்படம் வரும் பிப்ரவரி 24-ம் தேதி திரையரங்குகளில் வெளியாக உள்ளது.
