ஆண்ட்ராய்டு மற்றும் iOS பயனர்களின் கவனத்திற்கு, உங்கள் கூகிள் பிளே ஸ்டோர் மற்றும் ஆப்பிள் ஆப்ஸ் ஸ்டார்களில் இருக்கும் ஒட்டுமொத்த பயன்பாடுகளின் எண்ணிக்கை மூன்றில் ஒரு பங்காக குறையப் போகிறது.
கூகிள் மற்றும் ஆப்பிள் நிறுவனங்கள் அதன் தளத்தில் இருந்து பல ஆப்ஸ்களை அதிரடியாக நீக்க போகிறது. உண்மையை, சொன்னால் நிறுவனத்தின் இந்த நடவடிக்கை உங்களின் பாதுகாப்பு நலன் கருதி எடுக்கப்பட்டுள்ளது.
இந்த அதிரடி முடிவிற்கு என்ன காரணம், எதற்காகப் பல ஆயிரம் பயன்பாடுகள் முற்றிலுமாக நீக்கப்படவுள்ளது என்று தெளிவாகத் தெரிந்துகொள்ளலாம்.
ஆண்ட்ராய்டு பயனர்களுங்கன்னு Google Play Store அல்லது iOS இல் உள்ள App Store இல் உங்களுக்குப் பிடித்த ஆப்ஸ்களில் ஒன்று சிறிது காலத்திற்குள் புதுப்பிக்கப்படாமல் இருந்தால், அது நிச்சயமாக எதிர்காலத்தில் இருக்கப்போவதில்லை என்ற அழிவைக் குறிக்கிறது.
தற்போது, கூகுள் மற்றும் ஆப்பிள் ஆகிய நிறுவனங்கள் முறையே ஆண்ட்ராய்டு மற்றும் iOS இலிருந்து புதுப்பிக்கப்படாத பயன்பாடுகளை அகற்றும் பணியில் ஈடுபட்டுள்ளது.
இதன் மூலம் சரியாக அப்டேட் செய்யப்படாத மற்றும் பாதுகாப்பற்ற என்ற கருதப்படும் ஆப்ஸ்களை நிறுவனம் நீக்கம் செய்யவுள்ளது.
அபாண்டட் ஆப்ஸ் அல்லது கைவிடப்பட்ட பயன்பாடுகள் என்றால் என்ன?
கூகுள் மற்றும் ஆப்பிள் ஆகிய இரண்டு நிறுவனங்களும் இப்போது, இரண்டு வருடங்களாக அப்டேட் செய்யப்படாத அப்ளிகேஷன்களை அகற்றுவதற்கான திட்டங்களை வெளிப்படுத்தியுள்ளது.
கூகுளின் ஆண்ட்ராய்டு ஓஎஸ்ஸில், இது போன்ற சுமார் 869,000 ஆப்ஸ்கள் உள்ளன. ஆப்பிளின் ஆப் ஸ்டோருக்கு, இந்த எண்ணிக்கை 650,000 ஆக உள்ளது. ஆண்ட்ராய்டு ஆணையத்தின் கூற்றுப்படி, கிடைக்கக்கூடிய பயன்பாடுகளின் எண்ணிக்கை ஆண்ட்ராய்டில் கிட்டத்தட்ட மூன்றில் ஒரு பங்கு குறையும் என்று தெரிவிக்கப்பட்டுள்ளது.
CNET இன் படி, கூகிள் அந்த எல்லா பயன்பாடுகளையும் மறைக்கத் திட்டமிட்டுள்ளது. இதன் பொருள்.. கூகுளின் நெறிமுறையைத் துவக்கியவுடன் பயனர்கள் இனி இந்த ஆப்ஸை தங்கள் சாதனங்களில் பார்க்கவோ பதிவிறக்கவோ முடியாது என்பது தான் இதற்கான பொருள்.
கூகுள் மற்றும் ஆப்பிள் நிறுவனங்கள் பயனர்களின் பாதுகாப்பைப் பாதுகாப்பதற்காக இந்த நடவடிக்கைகளை எடுத்து வருவதாகத் தெரிவிக்கப்பட்டுள்ளது.
தனியுரிமை அமைப்புகளைத் தனிப்பயனாக்குவது தொடர்பாகப் பயனர்களுக்கு அதிக ஆற்றலை வழங்கும்.
Android மற்றும் iOS இரண்டிலும் புதிய தனியுரிமை மாற்றங்கள் மற்றும் புதுப்பிப்புகளைக் காலாவதியான பயன்பாடுகள் பயன்படுத்துவதில்லை என்பது முதன்மையான கவலைகளில் ஒன்றாகும்.
இதன் காரணமாக, பல பழைய பயன்பாடுகளில் பாதுகாப்பு குறைபாடுகள் இருக்கலாம் என்று கூறப்படுகிறது. நிச்சயமாக, இது பாதுகாப்பில் பாதிப்பை ஏற்படுத்தக் கூடும் என்று நம்பப்படுகிறது.
அதுமட்டுமின்றி, பல டெவலப்பர்கள் புதுப்பிக்கப்படாத பயன்பாடுகளை அகற்றுவதன் மூலம், கூகுள் மற்றும் ஆப்பிள் டெவலப்பர்களுக்கு அதிக வேலைகளைக் குவிப்பதாகக் கருதுகின்றனர்.
பல சந்தர்ப்பங்களில், குறிப்பாக கேம்களுக்கு, தயாரிப்பின் தரத்தைப் பராமரிக்க வழக்கமான புதுப்பிப்புகள் தேவையில்லை. Flappy Bird போன்ற எளிய விளையாட்டைப் பற்றி யோசித்துப் பாருங்கள், பெரும்பாலும்,
அத்தகைய பயன்பாடுகளுக்குப் புதுப்பிப்புகள் தேவையேயில்லை. இதையெல்லாம், பொருட்படுத்தாமல் பயனர் பாதுகாப்பைத் தேர்ந்தெடுப்பது எப்போதும் சரியான திசையில் ஒரு படியாகும்.
பாதுகாப்பு புதுப்பிப்புகளுக்கு இணங்குமாறு டெவலப்பர்களை கட்டாயப்படுத்துவதன் மூலம், கூகுள் மற்றும் ஆப்பிள் ஆகிய இரண்டும் தங்கள் பயனர்களுக்கு அதிக அதிகாரத்தை வழங்குகின்றன.
இதன்படி, இரண்டு வருடங்களாக அப்டேட் செய்யப்படாத ஆப்ஸ் அல்லது கேம்களை நீங்கள் பயன்படுத்தினால், உடனே அந்த ஆப்ஸ் டெவலப்பருக்கு ஒரு மெயில் மூலம் தொடர்பு கொண்ட அப்டேட்டை புதுப்பிக்கும் படி நீங்களே வலியுறுத்தலாம்.
அதை அந்த டெவலப்பர் குழு ஏற்று நடவடிக்கை எடுத்தால், கூகிள் மற்றும் ஆப்பிள் இடமிருந்து தப்பிக்க வாய்ப்புள்ளது. இல்லையென்றால், உங்கள் விருப்பமான ஆப்ஸ் இன்னும் சில காலத்தில் மறைந்து போக அதிக வாய்ப்புள்ளது.
