சச்சினுடன் சாப்பிடலாம்: கட்டணம்தான் ரூ.1.5 லட்சம்!

சிட்னி: இந்திய கிரிக்கெட் ஜாம்பவான் சச்சின் டெண்டுல்கருடன் அமர்ந்து உணவு உண்ண ஒரு வி.ஐ.பி. டின்னர் நிகழ்ச்சிக்கு ஏற்பாடு செய்துள்ளது ஆஸ்திரேலியாவின் சிட்னி நகரில் உள்ள பிரபல நட்சத்திர உணவகம் ஒன்று. வரும் பிப்.26 ஆம் தேதி நடைபெறும் இந்த விருந்து நிகழ்ச்சியில் அவருடன் சுமார் 60 பேர் மட்டுமே அமர்ந்து விருந்து உண்ணலாம் என அந்த உணவகம் அறிவித்துள்ளது. இந்த விருந்துக்கு இன்னும் சில இடங்களே காலியாக உள்ளதாக அறிவித்துள்ள அந்த உணவகம் இதற்கான நுழைவுக் கட்டணம் 1,500-3,000 ஆஸ்திரேலிய டாலர்கள் என நிர்ணயித்துள்ளது. இது இந்திய மதிப்பில் 75 ஆயிரம் ரூபாயில் இருந்து 1.5 லட்சம் வரை என்பது குறிபிடத் தக்கது.