19 வயது இளைஞன் நடனம் ஆடிக்கொண்டே இருந்தபடி, திடீரென கீழே விழுந்து இறந்தான். அல்லது இறந்து கீழே விழுந்தான். இரு தினங்களுக்கு முன்பு ஒரு கான்ஸ்டபிள் ஜிம்முக்குச் சென்று ஆபீஸ் முடிந்து வீட்டுக்கு வந்து பின் ஜிம்முக்குச் சென்று வொர்க் அவுட் செய்யும் போது அப்படியே தடால் என்று விழுந்து இறந்தார். இந்த வீடியோக்கள் இணையத்தில் வைரலாகி பேசுபொருள் ஆகியுள்ளது.
சம்பவம் நடந்தபோது போலீஸ் கான்ஸ்டபிள் விஷால் ஜிம்மில் உடற்பயிற்சி செய்து கொண்டிருந்தார்.
வியாழன் அன்று ஹைதராபாத்தில் உள்ள ஜிம்மில் உடற்பயிற்சியின் போது 24 வயது போலீஸ் கான்ஸ்டபிள் மாரடைப்பு காரணமாக உயிரிழந்தார். விஷால் என்ற கான்ஸ்டபிள் போவன்பல்லியில் வசிப்பவர், ஆசிப் நகர் காவல் நிலையத்தில் நியமிக்கப்பட்டார்.
அண்மைய மாதங்களில் பதிவாகியுள்ள திடீர் மாரடைப்பு மரணத்தின் மற்றொரு நிகழ்வு இது. பயோடெக்னாலஜி தகவல் தேசிய மையத்தின் (NCBI) கருத்துப்படி, இந்தியாவில் ஏற்படும் இறப்புகளில் ஐந்தில் ஒரு பங்கு மாரடைப்பு, மாரடைப்பு மற்றும் பக்கவாதம் ஆகியவற்றால் ஏற்படுகிறது, அதுவும் இளைய வயதினர் உள்பட என்று தகவல் வெளியிட்டுள்ளது.
சமூக வலைதளங்களில் வெளியாகியுள்ள வீடியோவில், விஷால் புஷ்-அப் செய்வது போல் உள்ளது. அது முடிந்ததும், அவர் வேறொரு பகுதிக்குச் செல்கிறார், சற்று முன்னோக்கி சாய்ந்திருக்கும் போது அவருக்கு இருமல் ஏற்படுகிறது. விஷால் அருகில் உள்ள உடற்பயிற்சி இயந்திரத்தின் மீது சாய்கிறார். ஆனால் அவரது இருமல் தீவிரமடைகிறது. சிறிது நேரத்தில் அவர் தரையில் அமர்ந்து சரிந்தார்.
அங்கிருப்பவர்கள் தரையில் கிடக்கும் இளைஞனுக்கு உதவ விரைகிறார்கள். அவர்களில் ஒருவர் உடற்பயிற்சி பயிற்சியாளரை அழைக்கிறார்.
இந்த சம்பவம் ஜிம்மில் பொருத்தப்பட்டிருந்த சிசிடிவியில் பதிவாகியுள்ளது. அவரது ஜிம் தோழர்கள் விஷாலை அருகிலுள்ள மருத்துவமனைக்குக் கொண்டு சென்றனர், அங்கு மருத்துவர்கள் அவர் இறந்துவிட்டதாக அறிவித்தனர்.
‘திடீர் மாரடைப்பு’ – ‘Sudden Cardiac Arrest’ (SCA) – ஏற்படுவதற்கு ஒரு மணி நேரத்துக்கு முன்னர் வரை- நோயாளி ஒரு நிலையான இதயச் செயல்பாட்டுடன் இருக்கிறார். முந்தைய நாட்களில், திடீர் மாரடைப்பு என்பது, 70 வயதிற்கு மேல் பொதுவாக இருந்தது, அண்மைக் காலங்களில் இது இளைய வயதினரிடம் பொதுவாகக் காணப்படுகிறது.
மாரடைப்பு, இதயத்தின் மின் அமைப்பை சீர்குலைப்பதன் மூலம் நோயாளியை திடீர் மாரடைப்பு மரணத்திற்கு ஆளாக்கும். அதே வேளையில், இதய அடைப்பு மற்ற இருதய வால்வு நிலைகளாலும் ஏற்படலாம் என்கிறார்கள்.
