தேமுதிக சமூக வலைதள ஒருங்கிணைப்பளராக எல்.கே.சுதீஷ்

உலகையே ஒரு நொடிக்குள் உள்ளங்கையில் பார்க்க வைக்கும் மாபெரும் சாதனையை பேஸ்ஃபுக், வாட்ஸ்ஆப், டுவிட்டர் மற்றும் பல்வேறு சமூக வலைதளங்கள் செய்து வருகின்றன. சமுதாயத்தின் பல்வேறு நற்செயல்களுக்கு இன்றியமையாதவையாக இருக்கின்றன. தேமுதிகவில் சமூக வலைதளங்களை பயன்படுத்துவோரை ஒருங்கிணைக்கும் வகையில் தேமுதிக சமூக வலைதள அமைப்பு உருவாக்கப்பட்டுள்ளது. அதன் ஒருங்கிணைப்பாளராக திரு.எல்.கே.சுதீஷ் அவர்கள் இன்று (11.12.2015) முதல் நியமிக்கப்படுகிறார் என்பதை தெரிவித்துக்கொள்கிறேன்.