குமரி கடல் பகுதியில் புதிய மேலடுக்கு சுழற்சி: தென்மாவட்டங்களில் கன மழைக்கு வாய்ப்பு

சென்னை:

குமரி அருகே மேலடுக்கு சுழற்சி உருவாகியுள்ளதால், தூத்துக்குடி, திருநெல்வேலி, கன்னியாகுமரி ஆகிய தென் மாவட்டங்களில் சனிக்கிழமை இன்று சில இடங்களில் கனமழை பெய்யும் என்று வானிலை ஆய்வு மையம் அறிவித்துள்ளது.

நேற்று காலை 8 மணியுடன் முடிவடைந்த 24 மணி நேரத்தில் அதிக பட்சமாக தூத்துக்குடி மாவட்டம் ஸ்ரீவைகுண்டத்தில் 9 செ.மீ. மழை பெய்துள்ளது. கன்னியாகுமரி கடல் பகுதியில் மேலடுக்கு சுழற்சி ஒன்று புதிதாக உருவாகி உள்ளது.

புதிதாக உருவான மேலடுக்கு சுழற்சி காரணமாக இன்று தென் மாவட்டங்களில் குறிப்பாக ராமநாதபுரம், திருநெல்வேலி, தூத்துக்குடி, கன்னியாகுமரி ஆகிய மாவட்டங்களில் மழை பெய்யும். தூத்துக்குடி, திருநெல்வேலி, கன்னியாகுமரி மாவட்டங்களில் இன்று சில இடங்களில் கனமழை பெய்யும். தூத்துக்குடி, திருநெல்வேலி, கன்னியாகுமரி மாவட்டங்களில் மேலும் அடுத்த 48 மணி நேரத்துக்கு மழை இருக்கும் என்று வானிலை மைய அதிகாரிகள் தெரிவித்தனர்.