உலகக் கோப்பை ஒருநாள் கிரிக்கட் போட்டிகள் பகுதி 6 – 1992
முனைவர் கு.வை. பாலசுப்பிரமணியன்
1992 கிரிக்கெட் உலகக் கோப்பை அதிகாரப்பூர்வமாக “பென்சன் & ஹெட்ஜஸ் உலகக் கோப்பை 1992” என அழைக்கப்பட்டது. சர்வதேச கிரிக்கெட் கவுன்சில் (ஐசிசி) ஏற்பாடு செய்த ஒருநாள் கிரிக்கெட் உலகக் கோப்பையின் ஐந்தாவது கட்டமாகும்.
இது ஆஸ்திரேலியா மற்றும் நியூசிலாந்தில் பிப்ரவரி 22 முதல் மார்ச் 25, 1992 வரை நடைபெற்றது. நான்காவது போட்டி இந்தியா-பாகிஸ்தானில் அக்டோபர்-நவம்பரில் 1987இல் நடைபெற்றது. எனவே ஐந்தாவது உலகக் கோப்பைக்கான போட்டி 1991 நவம்பரில் நடைபெற்றிருக்க வேண்டும். ஆனால் ஒரு நல்ல கோடைகாலத்தில் போட்டியை நடத்த வேண்டும் என்பதற்காக 1992 பிப்ரவரி-மார்ச்சில் நடத்தினார்கள்.
இறுதிப் போட்டியில் பாகிஸ்தான் 22 ரன்கள் வித்தியாசத்தில் இங்கிலாந்தை வீழ்த்தி முதல் முறையாக உலகக் கோப்பை சாம்பியன் ஆனது. 1992 உலகக் கோப்பை சர்ச்சைக்குரிய “மழை விதி”க்காக நினைவுகூரப்படுகிறது.
தென்னாப்பிரிக்கா இங்கிலாந்துக்கு எதிரான அரையிறுதி ஆட்டத்தில் மெதுவாக விளையாடி இந்த விதியைப் பயன்படுத்திக் கொள்ள முயன்றது, ஆனால் அந்தத் தந்திரம் பலிக்கவில்லை; இறுதியில் அவர்கள் போட்டியில் தோற்றார்கள்.
போட்டியில் செய்யப்பட்ட மாற்றங்கள்
1992 உலகக் கோப்பை முதன்முதலில் வீரர்கள் வண்ண உடைகள் அணிந்து ஆடினர். வெள்ளை கிரிக்கெட் பந்துகள், கருப்பு திரைகள் ஆகியவை பயன்பாட்டிற்கு வந்தன. பல போட்டிகள் ஃப்ளட் லைட் வெளிச்சத்தில் நடந்தன. இது தென் அரைக்கோளத்தில் நடைபெற்ற முதல் கிரிக்கெட் உலகக் கோப்பையாகும்.
மேலும் நிறவெறி முடிவுக்குப் பிறகு சர்வதேச கிரிக்கெட் கவுன்சிலில் மீண்டும் டெஸ்ட் விளையாடும் தேசமாக சேர அனுமதிக்கப்பட்ட தென்னாப்பிரிக்காவைச் சேர்த்த முதல் உலகக் கோப்பையும் இதுவாகும். முதல் முறையாக, உலகக் கோப்பை நான்கு வருட இடைவெளிக்குப் பிறகு நடத்தப்படவில்லை.
போட்டி நடத்தப்பட்ட விதம்
முந்தைய போட்டிகளிலிருந்து வடிவம் மாற்றப்பட்டது. முந்தைய போட்டிகளில் குரூப் A, குரூப் B இரண்டு குழுக்களாக அணிகள் பிரிக்கப்பட்டு போட்டி நடத்தப்பட்டது. அதற்குப் பதிலாக இந்த உலகக் கோப்பையில் முழுமையான ரவுண்ட்-ராபின் இருந்தது.
எட்டு போட்டியிடும் நாடுகள், 28 ரவுண்ட்-ராபின் போட்டிகள், மேலும் இரண்டு அரையிறுதி மற்றும் இறுதிப் போட்டிகளுடன் இம்முறை ஆட்டங்கள் நடத்தப்பட்டன. நிறவெறி காரணமாக 21 ஆண்டுகள் ஒதுக்கப்பட்டிருந்த தென் ஆப்பிரிக அணி 1991இன் பிற்பகுதியில் சர்வதேச கிரிக்கெட் கவுன்சிலில் மீண்டும் அனுமதிக்கப்பட்டது, மேலும் ரவுண்ட்-ராபினில் மேலும் எட்டு போட்டிகளைச் சேர்த்து, அந்த அணியை சேர்த்து டிரா திருத்தப்பட்டது.
மழையால் பாதிக்கப்பட்ட போட்டிகளில் இரண்டாவதாக பேட்டிங் செய்யும் அணிக்கான இலக்கு ஸ்கோரைக் கணக்கிடும் விதியும் மாற்றப்பட்டது. முந்தைய விதி (சராசரி ரன் ரேட் முறை) முதலில் பேட்டிங் செய்யும் அணியின் ரன் விகிதத்தை இரண்டாவதாக பேட்டிங் செய்யும் அணிக்கு கிடைக்கும் ஓவர்களின் எண்ணிக்கையால் பெருக்கி இலக்கு நிணயிக்கப்படும் வகையில் இருந்தது. ஆனால் இந்த விதி இரண்டாவது பேட்டிங் செய்யும் அணிக்கு நியாயமற்ற நன்மையைக் கொடுப்பதாகக் கருதப்பட்டது.
இதை சரிசெய்யும் முயற்சியில், இலக்கு மதிப்பெண் இப்போது அதிக ரன்கள் தந்த ஓவர்கள் முறையால் கணக்கிடப்பட்டது. இந்த அமைப்பில், இரண்டாவது பேட்டிங் செய்யும் அணிக்கு 44 ஓவர்கள் இருந்தால், முதலில் பேட்டிங் செய்யும் அணியின் 44 அதிக ரன் எடுக்கப்பட்ட ஓவர்களில் எடுக்கப்பட்ட ஸ்கோரை விட அவர்களின் இலக்கு ஸ்கோர் ஒன்று அதிகமாக இருக்கும்.
இம்முறையிலும் பல சிக்கல் எழுந்தன. மழை குறுக்கீடுகளின் நேரம் சிக்கலாகவே இருந்தது: இங்கிலாந்து மற்றும் தென்னாப்பிரிக்கா இடையேயான அரையிறுதிப் போட்டியில், 13 பந்துகளில் 22 ரன்கள் எடுக்க இலக்கு தரப்பட்டது. ஆனால் இடையில் ஒரு மெய்டன் ஓவர் இருந்ததால் அது கழிக்கப்பட்டு 7 பந்துக்கு 22 ரன்கள் என குறைக்கப்பட்டது.
இறுதியாக, 1 பந்தில் ஒரு அபத்தமான 21 ரன் இலக்காக நிர்ணயிக்கப்பட்டது. தென்னாப்பிரிக்காவிற்கு எதிராக இங்கிலாந்து அணி குழு-நிலை ஆட்டங்களில் ஒரு முறை மட்டுமே வெற்றி பெற்றது. இந்த அரையிறுதியின் கேலிக்குரிய முடிவு “டக்வொர்த் லூயிஸ் முறை”யை உருவாக்க வழிவகுத்தது.
அணிகள்
முதல் முறையாக, தென்னாப்பிரிக்கா ஐசிசியின் எட்டாவது முழு உறுப்பினராகப் போட்டியிட்டது, மேலும் உலகக் கோப்பைக்கு ஒரு மாதத்திற்குப் பிறகு மேற்கிந்தியத் தீவுகளில் 22 ஆண்டுகளில் முதல் டெஸ்டில் விளையாடும். ஜிம்பாப்வே மூன்றாவது முறையாக களமிறங்கியது.
இதில் நுழைந்த அணிகள் – முழு உறுப்பினர்கள், (1) ஆஸ்திரேலியா, (2) இங்கிலாந்து, (3) இந்தியா, (4) நியூசிலாந்து, (5) பாகிஸ்தான், (6) தென்னாப்பிரிக்கா, (7) இலங்கை (8) மேற்கிந்திய தீவுகள் இணை உறுப்பினர் ஜிம்பாபே
குரூப் ஆட்டங்களில் முதலில் இந்திய அணி இங்கிலாந்து அணியிடம் 9 ரன்களில் தோல்வியடைந்தது. இரண்டாவது ஆட்டம் இலங்கை அணியுடன் நடந்தது; ஆனால் இந்த ஆட்டம் மழையால் கைவிடப்பட்டது. ஆஸ்திரேலியாவுடன் நடந்த அடுத்த ஆட்டத்தில் இந்தியா 1 ரன் வித்தியாசத்தில் தோல்வி அடைந்தது; இந்த ஆட்டத்திலும் மழை குறுக்கிட்டது.
அடுத்த பாகிஸ்தான் அணிக்கு எதிரான ஆட்டத்தில் இந்தியா 43 ரன்களில் வென்றது. அடுத்த ஆட்டத்திலும் (ஜிம்பாபே அணியை) 55 ரன் களில் இந்தியா வென்றது; இந்த ஆட்டத்திலும் மழையின் குறுக்கீடு இருந்தது.
இதன் பின்னர் மேற்கு இந்தியத் தீவுகள், நியூசிலாந்து, தென் ஆப்பிரிக்கா அணிகளிடமும் இந்தியா தோற்றுப் போனது.
இந்திய அணியில் அசாருதீன் 332 ரன்களையும் சச்சின் டெண்டுல்கர் 283 ரன்களையும் எடுத்தனர். பந்து வீச்சாளர்களில் மனோஜ் பிராபகர் 12 விக்கட்டுகள் எடுத்தார்