மாலை வழக்கம்போல் சகாக்கள் சகிதம் அம்பத்தூர் எஸ்டேட்டில் அலுவலகத்தை அடுத்து உள்ள டீக்கடைக்குச் சென்று டீ மேஸ்ட்ரோ பழனியிடம் பேசிக் கொண்டிருந்தேன். ஐயா நமோ டீக்கடை பற்றி வகுப்பு எடுக்க ஆரம்பித்து விட்டார். ஒரு டீக்கடைக்காரரு இந்த நாட்டின் பிரதமரா வருவார்ன்னா எங்களுக்கெல்லாம் பெருமை சார்ன்னார். ரெம்ப சந்தோசம் அண்ணாச்சின்னு சொல்லிவிட்டு நிக்கயில… பேச்சு அம்மா – வரிசைக்கு வந்துச்சு. அம்மா உணவகத்தில் சப்பாத்தியாமே! அதுவும் 3 ரூபாய்க்கு! அவ்ளோதான்… பழனி அண்ணாச்சி புளகாங்கிதம் அடைஞ்சி… இன்னும் என்னல்லாம் அம்ம சவுகரியம் செஞ்சி கொடுத்தாங்கன்னா… நல்லாருக்கும்னு பட்டியல் போட ஆரமிச்சிட்டாரு.. டீக்குடிக்க வந்த ரெண்டு மூணு பேரு நக்கலா…. டாஸ்மாக்கை எடுத்துட்டு அம்மா பேரை அதுக்கு வைக்கணுமாம்… அம்மா வைன் ஷாப்னு.. காதுல விழாத மாதிரி… நாங்க எங்க பக்கம் திரும்பிக்கிட்டு, உடன் இருந்த சகா வேல்முருகனிடம் பேச்சுக் கொடுத்தேன்.. அவருக்கு ஆம்லெட் சாப்பிடுவதில் பிரியம் அதிகம். சார்… ஒரு ஆம்லெட் 15 ரூவாய்க்கு விக்கிறானுங்க சார்… அம்மா உணவகத்துல ஆம்லெட் 5 ரூவாய்னோ, 7 ரூவாய்னோ வெச்சி வித்தாங்கன்னா… நல்லாருக்கும் சார்ன்னார். இன்னொரு சகா, பாலா… சார் அம்மா வாடகை வீடுகள் திட்டத்தை சென்னை மாநகராட்சியில் தொடங்கணும். சென்னை மாநகராட்சி சார்பாவே, நல்ல இடத்துல நிறைய அடுக்கு மாடி வீடுகள் கட்டி, குறைஞ்ச வாடகைக்கு விட்டு, ஹவுஸ் ஓனர்கள் கொட்டத்தை அடக்கணும் சார்ன்னார்… டீக்கடைக்காரர் பழனி தன் பங்குக்கு ஏதோ கமெண்ட் அடிக்க, கொஞ்சம் நக்கல் கலந்த கோபத்தில் பழனியிடம் சத்தமாகச் சொல்லி வந்தேன்.. அடுத்து அம்மா தொடங்கபோறது அதாங்கேம்.. பாருய்யா பாரு.. ஒரு நாள் இல்லாட்டி ஒருநாள்… சென்னை மாநகராட்சி சார்பில…. தெருவுக்கு தெரு, முக்குக்கு முக்கு “அம்மா டீக் கடை” தொடங்கி, 2 ரூவாய்க்கு டீ கொடுத்து, உங்க கொட்டத்தை எல்லாம் அடக்கப்போறாங்க… நீ வேணா பாரு. போன மாசம் 6 ரூபாய்.. இப்போ 7 ரூபாய்னு நீ சொன்னதும் மறுக்காம கொடுத்தோம்ல… இனி பாரு… உங்க நிலையை?! அப்ப பேசுவீங்களா இப்டி? பழனி முகத்தில் ஈயாடவில்லை. ஆனாலும் சிரித்துக் கொண்டே… சார் மக்களுக்கு அவ்வளவு குறைஞ்ச விலையில் கொடுத்தா நல்லதுதானே சார்… நானும் மனமுவந்து வரவேற்கிறேன்னார்…. ஆக…… தமிழக அரசே தமிழக அரசே…. அடுத்து அம்மா பெயரில் ஆரம்பிக்க வேண்டியது…. ஆவின் நிர்வாகத்துடன் கைகோத்து அம்மா டீக்கடையை! அம்மா அம்மா…… எங்கள் எதிர்ப்பார்ப்பை பூர்த்தி செய்யுங்கள்!
To Read this news article in other Bharathiya Languages
அடுத்து வருமா “அம்மா” டீக் கடை?
உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
தினசரி செய்திகள் சேனலில் இணையுங்கள்!
https://t.me/s/dhinasari
Whatsapp - தினசரி செய்திகள் சேனலில் இணையுங்கள்!
https://www.whatsapp.com/channel/dhinasari