உதகை: நீலகிரி மாவட்டம் கோத்தகிரி அருகே தேயிலைத் தோட்டத்தில் கரடி தாக்கியதில், மாதி என்ற பெண் உயிரிழந்தார். அவரைக் காப்பாற்றச் சென்ற அவரது கணவர் ஹாலன் கரடியால் மோசமாகத் தாக்கப்பட்டார். படுகாயம் அடைந்த அவர், கோவை அரசு மருத்துவமனையில் அனுமதிக்கப்பட்டார். இந்நிலையில் சிகிச்சை பலனின்றி அவர் உயிரிழந்தார். இதனால் கரடி தாக்கி கணவன் – மனைவி இருவருமே உயிரிழந்துள்ளனர். இதை அடுத்து, அந்த ஆட்கொல்லி கரடியைப் பிடிக்க, வனத்துறை மயக்க ஊசியுடன் தேடியது. ஆனால், மயக்க ஊசிக்கு கரடி அகப்படாமல் தப்பியதால், கரடி நேற்று சுட்டுக் கொல்லப்பட்டது. இதனிடையே அந்தக் கரடி உலவிய கோத்தகிரி தேயிலைத் தோட்டப் பகுதியில் மேலும் ஒரு பெண் கரடி உலவுவதாக கிராமத்தினர் தகவல் தெரிவித்தனர். அதனைப் பிடித்து வெளியே கொண்டு செல்ல தொடர் போராட்டம் நடத்தப்பட்டது. இதை அடுத்து, கரடியை உயிரோடு பிடிக்க 3 இடங்களில் வனத்துறையினர் கூண்டுகளை வைத்துள்ளனர். இருப்பினும் கரடி இன்னும் அவற்றில் அகப்படவில்லை. இதனால் கோத்தகிரி – குன்னூர் சாலையில் பொதுமக்கள் பயத்துடனேயே நடமாடுகின்றனர்.
Posts by செங்கோட்டை ஸ்ரீராம்:
- வாஞ்சி பிறந்த தினத்தில் ஒரு கோரிக்கை!
- சாதனை நாயகர், நீண்டகால பிரதமர்: நரேந்திர மோடியின் அசத்தல் சாதனைகள்!
- தாமிரபரணிக் கரை ஆலயத்தில்… வழிபாட்டில் திருவள்ளுவர்!
- ‘மகளிருக்கும் தமிழருக்கும்’ கொடுத்தார் மோடி; கெடுத்தார் ஸ்டாலின்!
- ஈரான் விஷயத்தில் பாரதம் ஏன் தலையிடவில்லை?!
