இதுதொடர்பாக நாளேடு ஒன்றுக்கு அவர் அளித்துள்ள பேட்டியில், தமிழகத்தில் 32 ஆண்டுகளுக்குப் பிறகு ஆளும் கட்சி, தமிழகத்தில் மீண்டும் ஆட்சியைத் தக்கவைத்துக் கொண்டது உண்மை என்றாலும், தனிப்பெரும்பான்மையை விட 12 உறுப்பினர்களே அக்கட்சிக்கு அதிகமாக உள்ளதாக குறிப்பிட்டுள்ளார். எனவே, சட்டமன்ற உறுப்பினர்களை எங்கும் அலைபாய விடாமல் பார்த்துக் கொள்ள வேண்டிய நெருக்கடி அதிமுகவுக்கு ஏற்பட்டுள்ளதாகவும் கருணாநிதி தெரிவித்துள்ளார்.

அதே நேரத்தில், சட்டமன்றத்தில் வலுவான எதிர்க்கட்சியாக உருவெடுத்திருக்கும் திமுகவை எதிர்கொள்ள வேண்டிய சிக்கலும் அக்கட்சிக்கு உருவாகி இருப்பதாகவும் கருணாநிதி சுட்டிக்காட்டியுள்ளார்.

புதிய அரசு பதவியேற்பு விழாவில் ஸ்டாலினுக்கு பின் வரிசையில் இருக்கை ஒதுக்கப்பட்ட விவகாரம் தொடர்பாக முதலமைச்சர் ஜெயலலிதா அளித்த விளக்கத்தில், திமுகவுடன் இணைந்து பணியாற்றத் தயார் எனக் குறிப்பட்டது தொடர்பான கேள்விக்கும் கருணாநிதி பதிலளித்துள்ளார். அதன்படி, தமிழகத்தின் வளர்ச்சிக்காக ஜெயலலிதாவுடன் மட்டுமல்ல யாருடனும் திமுக இணைந்து செயல்படத் தயாராகவே இருப்பதாகவும் கூறியுள்ளார்.

[wp_ad_camp_4]

தமிழகத்தில் முதுநிலை மருத்துவப் படிப்புகளில் காலியாக உள்ள 97 இடங்களுக்கான கலந்தாய்வு சென்னையில் இன்று நடைபெறுகிறது.

2016-18-ஆம் கல்வியாண்டுக்கு முதுநிலை, முதுநிலை பட்டயம், ஆறு ஆண்டுகள் நரம்பியல் அறுவைச் சிகிச்சை, முதுநிலை பல் மருத்துவம் ஆகியவற்றில் அரசு இடங்கள், சுயநிதிக் கல்லூரிகளில் அரசு ஒதுக்கீட்டு இடங்கள் என மொத்தம் 854 மாநில அரசு ஒதுக்கீட்டு இடங்கள் உள்ளன

கலந்தாய்வில் முதுநிலை மருத்துவப் படிப்புகளுக்கான அரசு இடங்கள் 48, சுயநிதிக் கல்லூரிகளில் 37 இடங்கள், சுயநிதிக் கல்லூரிகளில் முதுநிலை பல் மருத்துவ இடங்கள் 12 என மொத்தம் 97 காலியிடங்கள் ஏற்பட்டுள்ளன.

இன்று சென்னை ஓமந்தூரார் பல்நோக்கு சிறப்பு மருத்துவமனையில் காலை 9 மணி முதல் கலந்தாய்வு நடைபெறும். மே 31-ஆம் தேதிக்குள் காலியிடங்களை நிரப்ப வேண்டும் என்பது உச்ச நீதிமன்றத்தின் உத்தரவையடுத்து, நேர்காணல் மூலம் காலியிடங்கள் நிரப்பப்பட உள்ளன.

[wp_ad_camp_4]

தமிழகத்தில் ஏற்கனவே திட்டமிட்டபடி ஜூன் 1ம் தேதி பள்ளிகள் திறக்கப்படும் என பள்ளி கல்வி துறை இயக்குனர் கண்ணப்பன் தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில்,  வெயிலின் தாக்கம் அதிகமாக உள்ளதால் புதுச்சேரியில் பள்ளிகள் திறக்கப்படும் தேதி ஜூன் 6ம் தேதி ஒத்திவைக்கப்பட்டது. இதனையடுத்து தமிழகத்திலும் பள்ளிகள் திறக்கும் தேதி மாற்றப்படலாம் என எதிர்பார்க்கப்பட்டது. இதற்கு விளக்கம் அளித்துள்ள பள்ளி கல்வி துறை, திட்டமிட்டபடி ஜூன் 1ல் தமிழகத்தில் பள்ளிகள் திறக்கப்படும் என குறிப்பிடப்பட்டுள்ளது.

[wp_ad_camp_4]

முன்னாள் அமைச்சர் வளர்மதியிடம் இருந்த வக்பு வாரியம் அமைச்சர் நிலோபர் கபிலிடம் ஒப்படைக்கப்பட்டுள்ளது. முதலமைச்சர் ஜெயலலிதாவின் பரிந்துரையின் பேரில் வக்பு வாரிய துறையை நிலோபருக்கு கூடுதலாக ஒதுக்கி ஆளுநர் ரோசையா அறிவித்துள்ளார். ஏற்கனவே நிலோபர் கபில் தொழிலாளர் நலத் துறை அமைச்சராக உள்ளார் என்பது குறிப்பிடத்தக்கது.

[wp_ad_camp_2]

சிபிஎஸ்இ பத்தாம் வகுப்பு தேர்வு முடிவுகள் இணையத்தளத்தில் வெளியானது. https://cbseresults.nic.in/., www.results.nic.in இணையதளங்களில் தேர்வு முடிவுகளை தெரிந்து கொள்ளலாம்.

[iframe src=”https://cbseresults.nic.in/class10/cbse1016_all.htm” width=”100%” height=”500″]

[wp_ad_camp_4]

புதுச்சேரி முதல்வரை தேர்வு செய்ய காங்கிரஸ் எம்எல்ஏக்கள் கூட்டம் தொடங்கியது. காங்கிரஸ் மூத்த தலைவர்கள் ஷீலா தீட்சித் மற்றும் முகுல் வாஷ்னிக் முன்னிலையில் காங்கிரஸ் எம்எல்ஏக்கள் கூட்டம் நடைபெற்று வருகிறது.

[wp_ad_camp_2]